7 اشعار

تم پہ کیا بیت گئی کچھ تو بتاؤ یارو

Tum pe kya beet gai kuch to batao yaaro

«تم پہ کیا بیت گئی کچھ تو بتاؤ یارو» جان نثار اختر کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 49 سیکنڈ ہے۔

تم پہ کیا بیت گئی کچھ تو بتاؤ یارومیں کوئی غیر نہیں ہوں کہ چھپاؤ یارو

ان اندھیروں سے نکلنے کی کوئی راہ کروخون دل سے کوئی مشعل ہی جلاؤ یارو

ایک بھی خواب نہ ہو جن میں وہ آنکھیں کیا ہیںاک نہ اک خواب تو آنکھوں میں بساؤ یارو

بوجھ دنیا کا اٹھاؤں گا اکیلا کب تکہو سکے تم سے تو کچھ ہاتھ بٹاؤ یارو

زندگی یوں تو نہ بانہوں میں چلی آئے گیغم دوراں کے ذرا ناز اٹھاؤ یارو

عمر بھر قتل ہوا ہوں میں تمہاری خاطرآخری وقت تو سولی نہ چڑھاؤ یارو

اور کچھ دیر تمہیں دیکھ کے جی لوں ٹھہرومیری بالیں سے ابھی اٹھ کے نہ جاؤ یارو

— جان نثار اختر