سوچتا ہوں رات جو سورج تھا دائیں ہاتھ میںصبح کیسے ڈھل گیا وہ میرے بائیں ہاتھ میں
ہم اگر کچھ اور اپنے ذہن و دل روشن کریںدوستو یہ ماہ و انجم جگمگائیں ہاتھ میں
حل نہ ہو پایا اگر قحط زمیں کا مسئلہیہ بھی ممکن ہے کہ ہم فصلیں اگائیں ہاتھ میں
دشت چشم و قلب میں بھی جو نظر آتا نہیںآؤ ہم تم کو وہی منظر دکھائیں ہاتھ میں
جب حصار خوف سے آزاد ہو جاتا ہے دلقید ہو جاتی ہیں تب ساری بلائیں ہاتھ میں
جب مری سانسوں سے یہ ماحول یخ بستہ ہوامنجمد ہونے لگیں جلتی ہوائیں ہاتھ میں
شاعری کی یہ شب تاریک ڈھلتی ہی نہیںکیفؔ کب تک ہم چراغ فن جلائیں ہاتھ میں
— کیف احمد صدیقی
Sochta hoon raat jo sooraj tha daayen haath meinSubh kaise dhal gaya woh mere baayen haath mein
Hum agar kuch aur apne zehen o dil roshan kareinDosto yeh maah o anjum jagmagaaein haath mein
Hal na ho paya agar qaht-e-zameen ka maslaYh bhi mumkin hai ke hum faslein ugaaein haath mein
Dasht-e-chashm o qalb mein bhi jo nazar aata nahinAao hum tum ko wohi manzar dikhaaein haath mein
Jab hisaar-e-khauf se azaad ho jaata hai dilQaid ho jaati hain tab saari balaaein haath mein
Jab miri saanson se yeh mahol yakh basta huaMunjamid hone lageen jalti hawaaein haath mein
Shairi ki yeh shab-e-tareek dhalti hi nahinKaifؔ kab tak hum charaagh-e-fan jalaaein haath mein
