اعتکاف میں زاہد منہ چھپائے بیٹھا ہےغالباً زمانے سے مات کھائے بیٹھا ہے
وائے عاشق ناداں کائنات یہ تیریاک شکستہ شیشے کو دل بنائے بیٹھا ہے
طالبان دید ان کے دھوپ دھوپ پھرتے ہیںغیر ان کے کوچے میں سائے سائے بیٹھا ہے
اس طرف بھی اے صاحب التفات یک مژگاںاک غریب محفل میں سر جھکائے بیٹھا ہے
دور باش اے گلچیں وا ہے دیدۂ نرگسآج ہر گل نازک خار کھائے بیٹھا ہے
کیوں سنا نہیں دیتا فیصلہ مقدر کانامہ بر مرے آگے خط چھپائے بیٹھا ہے
صبح کی ہوا ان سے صرف اتنا کہہ دیناکوئی شمع کی اب تک لو بڑھائے بیٹھا ہے
— کیف بھوپالی
Eitikaaf mein zahid munh chhupaye baitha haiGhaliban zamane se maat khaye baitha hai
Way-e-aashiq-e-nadaa'n kayenaat ye teriIk shikasta sheeshe ko dil banaye baitha hai
Taliban-e-deed un ke dhoop dhoop phirte hainGhair un ke kuche mein saye saye baitha hai
Is taraf bhi ay sahib-ul-iltafaat-e-yak-mizhga'nIk ghareeb mahfil mein sar jhukaye baitha hai
Dour bash ay gulchee'n wa hai deedah-e-nargisAaj har gul nazuk khaar khaye baitha hai
Kyon suna nahin deta faisla muqaddar kaNaama-bar mere aage khat chhupaye baitha hai
Subah ki hawa un se sirf itna keh denaKoi shama ki ab tak lau barhaye baitha hai
