سلگتی ریت پہ آنکھیں بھی زیر پا رکھنانہیں ہے سہل ہوا سے مقابلہ رکھنا
اسے یہ زعم کہ آغوش گل بھی اس کی ہےجو چاہتا ہے پرندوں کو بے نوا رکھنا
سبک نہ ہو یہ نگہ داریٔ جنوں ہم سےیہ دیکھنے کو اسے سامنے بٹھا رکھنا
بکھر نہ جانا جراحت نوازئی شب پرمشام جاں کو ابھی خواب آشنا رکھنا
وہ فرصتیں کہ جنہیں آہٹوں کی خواہش ہوانہیں جرس کی تمنا سے ماسوا رکھنا
تمام منظر جاں اس کی خواہشوں سے بناوہ خواب ہے تو اسے خواب میں سجا رکھنا
اداسیوں کو تو آنگن ہی چاہیئے خالیچھتوں پہ چاندنی راتوں کا سلسلہ رکھنا
وہ جب بھی آیا بہت تیز بارشوں جیساوہ جس نے چاہا مجھے سرمئی گھٹا رکھنا
بس اک چراغ مسافت کا بوجھ سہہ لے گاسخن کے بیچ طلب گارئ وفا رکھنا
— کشور ناہید
Sulagti ret pe aankhen bhi zer-e-pa rakhnaNahin hai sehal hawa se muqabla rakhna
Use yeh za'am ke aaghosh-e-gul bhi uski haiJo chahta hai parindon ko be-nawa rakhna
Sabuk na ho yeh nigah-dari-e-junoon hum seYeh dekhne ko use saamne bitha rakhna
Bikhar na jaana jarahat-nawazi-e-shab parMashaam-e-jaan ko abhi khwab aashna rakhna
Woh fursatein ke jinhein aahaton ki khwahish hoUnhein jaras ki tamanna se ma-siwa rakhna
Tamam manzar-e-jaan uski khwahishon se banaWoh khwab hai to use khwab mein saja rakhna
Udaasiyon ko to aangan hi chahiye khaaliChhaton pe chandni raaton ka silsila rakhna
Woh jab bhi aaya bahut tez baarishon jaisaWoh jis ne chaha mujhe surmayi ghata rakhna
Bas ik chiragh musafat ka bojh sah le gaSukhan ke beech talabgari-e-wafa rakhna
