ہاتھ آنکھوں پہ رکھ لینے سے خطرہ نہیں جاتادیوار سے بھونچال کو روکا نہیں جاتا
دعووں کے ترازو میں تو عظمت نہیں تُلتیفیتے سے تو کردار کو ناپا نہیں جاتا
فرمان سے پیڑوں پہ کبھی پھل نہیں لگتےتلوار سے موسم کوئی بدلا نہیں جاتا
چور اپنے گھروں میں تو نہیں نقب لگاتےاپنی ہی کمائی کو تو لُوٹا نہیں جاتا
اوروں کے خیالات کی لیتے ہیں تلاشیاور اپنے گریبانوں میں جھانکا نہیں جاتا
فولاد سے فولاد تو کٹ سکتا ہے لیکنقانون کو قانون سےبدلا نہیں جاتا
ظلمت کو گھٹا کہنے سے بارش نہیں ہوتیشعلوں کو ہواؤں سے تو ڈھانپا نہیں جاتا
طوفان میں ہو ناؤ تو کچھ صبر بھی آئےساحل پہ کھڑے ہو کے تو ڈوبا نہیں جاتا
دریا کے کنارے تو پہنچ جاتے ہیں پیاسےپیاسوں کے گھروں تک کوئی دریا نہیں جاتا
اللہ جسے چاہے اُسے ملتی ہے مظفرعزت کو دوکانوں سے خریدا نہیں جاتا
— مظفر وارثی
Haath aankhon pe rakh lene se khatra nahin jataDeevar se bhoonchal ko roka nahin jata
Da'won ke tarazu mein to azmat nahin tultiFeete se to kirdar ko napa nahin jata
Farman se pedon pe kabhi phal nahin lagteTalwar se mausam koi badla nahin jata
Chor apne gharon mein to nahin naqab lagateApni hi kamai ko to loota nahin jata
Auron ke khayalat ki lete hain talashiAur apne girebanon mein jhanka nahin jata
Faulaad se faulaad to kat sakta hai lekinQanoon ko qanoon se badla nahin jata
Zulmat ko ghata kehne se barish nahin hotiSholon ko hawaon se to dhampa nahin jata
Tufaan mein ho nao to kuch sabr bhi aayeSahil pe khade ho ke to dooba nahin jata
Darya ke kinare to pahunch jate hain pyasePyason ke gharon tak koi darya nahin jata
Allah jise chahe use milti hai MuzaffarIzzat ko dukanon se khareeda nahin jata
