لبوں پہ الفاظ ہیں کہ پیاسوں کا قافلہ ہےنمی ہے یہ یا فرات آنکھوں سے بہہ رہی ہے
حیات آنکھوں سے بہہ رہی ہےسپاہ فسق و فجور یلغار کر رہی ہے
دلوں کو مسمار کر رہی ہےلہو لہو ہیں ہماری سوچیں
برہنہ سر ہے حیا تمنائیں بال نوچیںوفا کے بازو کٹے ہوئے ہیں
ہلاکتوں کے غبار سے زندگی کے میداں پٹے ہوئے ہیںدھواں ہر اک خیمۂ صدا سے نکل رہا ہے
ہر ایک اندر سے جل رہا ہےریا کے نیزوں پہ آج سچائیوں کے سر ہیں
یزیدیت کے اصول اپنے عروج پر ہیںبڑی ہی ظالم ہے حق پسندی کو چین لینے نہ دے یہ دنیا
ہمیں تو کوفہ لگے یہ دنیاقدم قدم آزمائشوں کی فضا ملی ہے
ہمیں تو ہر دور میں نئی کربلا ملی ہے
— مظفر وارثی
Labon pe alfaaz hain ke pyason ka qafla haiNami hai yeh ya Furaat aankhon se beh rahi hai
Hayaat aankhon se beh rahi haiSipah-e-fisq o fujoor yalghaar kar rahi hai
Dilon ko mismaar kar rahi haiLahoo lahoo hain hamari sochein
Barhana sar hai haya tamannayein baal nocheinWafa ke bazoo kate hue hain
Halakaton ke ghubaar se zindagi ke maidaan pate hue hainDhuan har ek khaima-e-sada se nikal raha hai
Har ek andar se jal raha haiRiya ke nezon pe aaj sachchaiyon ke sar hain
Yazeediat ke usool apne urooj par hainBadi hi zaalim hai haq-pasandi ko chain lene na de yeh dunya
Hamein to Kufa lage yeh dunyaQadam qadam azmaishon ki fiza mili hai
Hamein to har daur mein nayi Karbala mili hai
