لیا جو اس کی نگاہوں نے جائزہ میراتو ٹوٹ ٹوٹ گیا خود سے رابطہ میرا
سماعتوں میں یہ کیسی مٹھاس گھلتی رہیتمام عمر رہا تلخ ذائقہ میرا
چٹخ گیا ہوں میں اپنے ہی ہاتھ سے گر کرمرے ہی عکس نے توڑا ہے آئنہ میرا
کیا گیا تھا کبھی مجھ کو سنگسار جہاںوہیں لگایا گیا ہے مجسمہ میرا
جبھی تو عمر سے اپنی زیادہ لگتا ہوںبڑا ہے مجھ سے کئی سال تجربہ میرا
عداوتوں نے مجھے اعتماد بخشا ہےمحبتوں نے تو کاٹا ہے راستہ میرا
میں اپنے گھر میں ہوں گھر سے گئے ہوؤں کی طرحمرے ہی سامنے ہوتا ہے تذکرہ میرا
میں لٹ گیا ہوں مظفرؔ حیات کے ہاتھوںسنے گی کس کی عدالت مقدمہ میرا
— مظفر وارثی
Liya jo us ki nigahon ne jaiza meraTo toot toot gaya khud se rabta mera
Samaton mein ye kaisi mithas ghulti rahiTamam umr raha talkh zaaiqa mera
Chatakh gaya hoon main apne hi haath se gir karMere hi aks ne toda hai aaina mera
Kiya gaya tha kabhi mujh ko sangsar jahanWaheen lagaya gaya hai mujassama mera
Jabhi to umr se apni zyada lagta hoonBada hai mujh se kai saal tajraba mera
Adavaton ne mujhe aetmad bakhsha haiMuhabbaton ne to kaata hai rasta mera
Main apne ghar mein hoon ghar se gaye huon ki tarahMere hi samne hota hai tazkira mera
Main lut gaya hoon Muzaffar Hayat ke hathonSunegi kis ki adalat muqaddama mera
