میری سوچ مجھے کس رتبے پر لے آئیدائرۂ ہستی اک نقطے پر لے آئی
جب دنیا کو میں نے کور نظر ٹھہرایامیری آنکھیں اپنے چہرے پر لے آئی
میں تو اک سیدھی پگڈنڈی پر نکلا تھاپگڈنڈی مجھ کو چوراہے پر لے آئی
یوں محسوس ہوا اپنی گہرائی میں جا کرجیسے کوئی موج کنارے پر لے آئی
صحرا میں بھی دیواریں سی پھاند رہا ہوںبینائی کس اندھے رستے پر لے آئی
میں نے نوچ کے پھینکیں جو شکنیں چادر سےوہ سب شکنیں دنیا ماتھے پر لے آئی
کاہکشاں کے خواب مظفرؔ دیکھ رہا تھااور بیداری ریت کے ٹیلے پر لے آئی
— مظفر وارثی
Meri soch mujhe kis rutbe par le aayiDairah-e-hasti ek nuqte par le aayi
Jab dunya ko main ne kor nazar thehrayaMeri aankhein apne chehre par le aayi
Main to ek seedhi pagdandi par nikla thaPagdandi mujh ko choraha par le aayi
Yun mehsoos hua apni gehrai mein ja karJaise koi mauj kinare par le aayi
Sehra mein bhi deewarein si phaand raha hoonBeenaai kis andhe raste par le aayi
Main ne noch ke phenkin jo shiknein chadar seWo sab shiknein dunya mathe par le aayi
Kahkashan ke khwab Muzaffar dekh raha thaAur bedari ret ke teele par le aayi
