آدمی چونک چکا ہے مگر اٹھا تو نہیںمیں جسے ڈھونڈ رہا ہوں یہ وہ دنیا تو نہیں
روح کو درد ملا درد کو آنکھیں نہ ملیںتجھ کو محسوس کیا ہے تجھے دیکھا تو نہیں
رنگ سی شکل ملی ہے تجھے خوشبو سا مزاجلالہ و گل کہیں تیرا ہی سراپا تو نہیں
چہرہ دیکھوں تو خد و خال بدل جاتے ہیچھپ کے آئینے کے پیچھے کوئی بیٹھا تو نہیں
پھینک کر مار زمیں پر نہ زمانے مجھ کوٹوٹ ہی جاؤں گا جیسے میں کھلونا تو نہیں
زندگی تجھ سے ہر اک سانس پہ سمجھوتا کروںشوق جینے کا ہے مجھ کو مگر اتنا تو نہیں
میری آنکھوں میں ترے نقش قدم کیسے ہیںاس سرائے میں مسافر کوئی ٹھہرا تو نہیں
سوچتے سوچتے دل ڈوبنے لگتا ہے مراذہن کی تہ میں مظفرؔ کوئی دریا تو نہیں
— مظفر وارثی
Aadmi chaunk chuka hai magar utha to nahinMain jise dhoond raha hoon yeh wo dunya to nahin
Rooh ko dard mila dard ko aankhein na milinTujh ko mehsoos kiya hai tujhe dekha to nahin
Rang si shakal mili hai tujhe khushboo sa mizajLala o gul kahin tera hi sarapa to nahin
Chehra dekhun to khad o khaal badal jate hiChhip ke aaine ke peeche koi baitha to nahin
Phenk kar maar zameen par na zamane mujh koToot hi jaunga jaise main khilona to nahin
Zindagi tujh se har ek saans pe samjhauta karunShauq jeene ka hai mujh ko magar itna to nahin
Meri aankhon mein tere naqsh-e-qadam kaise hainIs saraye mein musafir koi thehra to nahin
Sochte sochte dil doobne lagta hai meraZehn ki teh mein Muzaffar koi darya to nahin
