اپنے بستر پہ بہت دیر سے میں نیم درازسوچتی تھی کہ وہ اس وقت کہاں پر ہوگا
میں یہاں ہوں مگر اس کوچۂ رنگ و بو میںروز کی طرح سے وہ آج بھی آیا ہوگا
اور جب اس نے وہاں مجھ کو نہ پایا ہوگا!؟آپ کو علم ہے وہ آج نہیں آئی ہیں؟
میری ہر دوست سے اس نے یہی پوچھا ہوگاکیوں نہیں آئی وہ کیا بات ہوئی ہے آخر
خود سے اس بات پہ سو بار وہ الجھا ہوگاکل وہ آئے گی تو میں اس سے نہیں بولوں گا
آپ ہی آپ کئی بار وہ روٹھا ہوگاوہ نہیں ہے تو بلندی کا سفر کتنا کٹھن
سیڑھیاں چڑھتے ہوئے اس نے یہ سوچا ہوگاراہداری میں ہرے لان میں پھولوں کے قریب
اس نے ہر سمت مجھے آن کے ڈھونڈا ہوگانام بھولے سے جو میرا کہیں آیا ہوگا
غیر محسوس طریقے سے وہ چونکا ہوگاایک جملے کو کئی بار سنایا ہوگا
بات کرتے ہوئے سو بار وہ بھولا ہوگایہ جو لڑکی نئی آئی ہے کہیں وہ تو نہیں
اس نے ہر چہرہ یہی سوچ کے دیکھا ہوگاجان محفل ہے مگر آج فقط میرے بغیر
ہائے کس درجہ وہی بزم میں تنہا ہوگاکبھی سناٹوں سے وحشت جو ہوئی ہوگی اسے
اس نے بے ساختہ پھر مجھ کو پکارا ہوگاچلتے چلتے کوئی مانوس سی آہٹ پا کر
دوستوں کو بھی کس عذر سے روکا ہوگایاد کر کے مجھے نم ہو گئی ہوں گی پلکیں
''آنکھ میں پڑ گیا کچھ'' کہہ کے یہ ٹالا ہوگااور گھبرا کے کتابوں میں جو لی ہوگی پناہ
ہر سطر میں مرا چہرہ ابھر آیا ہوگاجب ملی ہوگی اسے میری علالت کی خبر
اس نے آہستہ سے دیوار کو تھاما ہوگاسوچ کر یہ کہ بہل جائے پریشانی دل
یوں ہی بے وجہ کسی شخص کو روکا ہوگا!اتفاقاً مجھے اس شام مری دوست ملی
میں نے پوچھا کہ سنو آئے تھے وہ؟ کیسے تھے؟مجھ کو پوچھا تھا مجھے ڈھونڈا تھا چاروں جانب؟
اس نے اک لمحے کو دیکھا مجھے اور پھر ہنس دیاس ہنسی میں تو وہ تلخی تھی کہ اس سے آگے
کیا کہا اس نے مجھے یاد نہیں ہے لیکناتنا معلوم ہے خوابوں کا بھرم ٹوٹ گیا!
— پروین شاکر
Apne bistar pe bahut der se main neem daraazSochti thi ke woh is waqt kahan par hoga
Main yahan hoon magar us koocha-e-rang-o-boo meinRoz ki tarah se woh aaj bhi aaya hoga
Aur jab us ne wahan mujh ko na paya hoga!?Aap ko ilm hai woh aaj nahi aayi hain!?
Meri har dost se us ne yahi poocha hogaKyun nahi aayi woh kya baat hui hai aakhir
Khud se is baat pe sau baar woh uljha hogaKal woh aaye gi toh main us se nahi bolunga
Aap hi aap kayi baar woh rootha hogaWoh nahi hai toh bulandi ka safar kitna kathan
Seedhiyan chadhte hue us ne yeh socha hogaRahdari mein hare lawn mein phoolon ke qareeb
Us ne har simt mujhe aan ke dhoonda hogaNaam bhoole se jo mera mera kahin aaya hoga
Ghair mahsoos tareeqe se woh chonka hogaEk jumle ko kayi baar sunaya hoga
Baat karte hue sau baar woh bhoola hogaYeh jo larki nayi aayi hai kahin woh toh nahi
Us ne har chehra yahi soch ke dekha hogaJaan-e-mehfil hai magar aaj faqat mere baghair
Haaye kis darja wahi bazm mein tanha hogaKabhi sannaton se wahshat jo hui hogi usay
Us ne be-sakhta phir mujh ko pukara hogaChalte chalte koi manoos si aahat pa kar
Doston ko bhi kis uzr se roka hogaYaad kar ke mujhe nam ho gayi hongi palkein
''Aankh mein pad gaya kuch'' keh ke yeh taala hogaAur ghabra ke kitabon mein jo li hogi panah
Har satar mein mera chehra ubhar aaya hogaJab mili hogi usay meri ilalat ki khabar
Us ne aahista se deewar ko thaama hogaSoch kar yeh ke behal jaaye pareshani-e-dil
Yun hi be-wajah kisi shakhs ko roka hoga!Ittifaqan mujhe us shaam meri dost mili
Main ne poocha ke suno aaye the woh? kaise the?Mujh ko poocha tha mujhe dhoonda tha charon jaanib?
Us ne ek lamhe ko dekha mujhe aur phir hans diUs hansi mein toh woh talkhi thi ke is se aage
Kya kaha us ne mujhe yaad nahi hai lekinItna maloom hai khwabon ka bharam toot gaya!
