ابھی نِگاہ پڑی بھی نہ تھی خزانے پرکہ ہاتھ رکھّا کسی ڈر نے میرے شانے پر
مَیں اُس کے سامنے نظریں جُھکائے بیٹھا ہوںمگر بضِد ہے وہ آئینہ ٹُوٹ جانے پر
اِسے خبر نہیں اندر سے رات ہوں اب تکچراغ خُوش ہے مِری روشنی بڑھانے پر
ذرا سی دیر چُھپا تھا مَیں کوہِ رفتہ میںکہ اک چٹان گِری غار کے دہانے پر
پڑا ہوں شیشۂ ہستی پہ گرد کے مانندنہ جانے کیا نظر آئے مجھے ہٹانے پر!
کھلونا ٹُوٹنے والا ہے کھینچا تانی میںجھگڑ پڑی ہیں مِری آنکھیں نیند آنے پر
نہ جانے کب مَیں ترے باغ سے چلا جاتا!سو مطمئن ہوں بہت، اپنے پَر کٹانے پر
مَیں رات دن یہی ملبہ ہٹاتا رہتا ہوںگِرے ہوئے ہیں زمانے مِرے زمانے پر
— سعید شارق
Abhi nigah padi bhi na thi khazane parKe haath rakha kisi dar ne mere shaane par
Main us ke saamne nazrein jhukaye baitha hoonMagar bazid hai woh aayina toot jaane par
Ise khabar nahin andar se raat hoon ab takChiragh khush hai meri roshni badhane par
Zara si der chhupaya tha main koh-e-rafta meinKe ek chattan giri ghaar ke dahane par
Pada hoon sheesha-e-hasti pe gard ke maanindNa jaane kya nazar aaye mujhe hatane par!
Khilauna tootne wala hai kheench-a-taani meinJhagad padi hain meri aankhen neend aane par
Na jaane kab main tere baagh se chala jaata!So mutma'in hoon bahut, apne par katane par
Main raat din yahi malba hatata rehta hoonGire hue hain zamane mere zamane par
