جامِ ہَستی خُوشی خُوشی بھرتاچاہے مَیں ایک گُھونٹ ہی بھرتا
شور تھا شیشۂ سَماعت میںکون اِس میں تِری ہنسی بھرتا!
کُچھ تو کرتا یُونہی گُزرتا وَقت!زَخم دیتا کوئی! کوئی بھرتا!
کیا کروں! سارے گھاؤ ایک سے تھےپہلا بھرتا تو آخِری بھرتا
یُوں تو خالی نہ چھوڑتا وہ مجھے!مَئےِ تَنہائی ہی سہی، بھرتا!
ہاتھ لگتا اگر پیالۂ ہِجرخالی کرتا اُسے، کبھی بھرتا
دَفعتاً بُجھ گیا چراغِ طَرَبمیرے سینے میں روشنی بھرتا!
دَشتِ دِل پر رہی نظر کہ غزالجانے کب گُزرے، چَوکڑی بھرتا!
پہلے ہی سے بھرا تھا جامِ وُجودخالی ہوتا تو کیا یُونہی بھرتا!
آخِرش خُود ہی ہو گیا مِسماراِک مَکاں کِس طرح گَلی بھرتا!
مَیں بھی ایسے نہ سُوکھتا، شارقؔمیرا پانی اگر وہی بھرتا
— سعید شارق
Jaam-e-hasti khushi khushi bhartaChaahe main ek ghunth hi bharta
Shor tha sheesha-e-sama'at meinKaun is mein teri hansi bharta!
Kuch to karta yunhi guzarta waqt!Zakhm deta koi! koi bharta!
Kya karoon! saare ghao ek se thePehla bharta to aakhiri bharta
Yun to khaali na chhodta woh mujhe!Mai-e-tanhaai hi sahi, bharta!
Haath lagta agar pyaala-e-hijrKhaali karta use, kabhi bharta
Daf'atan bujh gaya chiragh-e-tarabMere seene mein roshni bharta!
Dasht-e-dil par rahi nazar ke ghazalJaane kab guzre, chaukdi bharta!
Pehle hi se bhara tha jaam-e-wajoodKhaali hota to kya yunhi bharta!
Aakhirash khud hi ho gaya mismaarEk makaan kis tarah gali bharta!
Main bhi aise na sookhta, Shaariq!Mera paani agar wahi bharta
