دل تجھے ناز ہے جس شخص کی دل داری پردیکھ اب وہ بھی اتر آیا اداکاری پر
میں نے دشمن کو جگایا تو بہت تھا لیکناحتجاجاً نہیں جاگا مری بیداری پر
آدمی آدمی کو کھائے چلا جاتا ہےکچھ تو تحقیق کرو اس نئی بیماری پر
کبھی اس جرم پہ سر کاٹ دئے جاتے تھےاب تو انعام دیا جاتا ہے غداری پر
تیری قربت کا نشہ ٹوٹ رہا ہے مجھ میںاس قدر سہل نہ ہو تو مری دشواری پر
مجھ میں یوں تازہ ملاقات کے موسم جاگےآئنہ ہنسنے لگا ہے مری تیاری پر
کوئی دیکھے بھرے بازار کی ویرانی کوکچھ نہ کچھ مفت ہے ہر شے کی خریداری پر
بس یہی وقت ہے سچ منہ سے نکل جانے دولوگ اتر آئے ہیں ظالم کی طرف داری پر
— سلیم کوثر
Dil tujhe naz hai jis shakhs ki dil dari parDekh ab woh bhi utar aaya adakari par
Main ne dushman ko jagaya to bahut tha lekinEhtejaajan nahin jaaga meri bedari par
Aadmi aadmi ko khaye chala jaata haiKuchh to tehqeeq karo is nayi beemari par
Kabhi is jurm pe sar kaat diye jaate theAb to inaam diya jaata hai ghaddari par
Teri qurbat ka nasha toot raha hai mujh meinIs qadar sehal na ho tu meri dushwari par
Mujh mein yun taza mulaqaat ke mausam jaageAaina hansne laga hai meri taiyari par
Koi dekhe bhare bazaar ki veerani koKuchh na kuchh muft hai har shai ki khareedari par
Bas yehi waqt hai sach munh se nikal jane doLog utar aaye hain zaalim ki taraf-dari par
