دیوار کے پیچھے نہیں دیوار کے اندر ہوں میںجس غار کے باہر ہو تم اس غار کے اندر ہوں میں
موجودگی آخر کو ناموجودگی ثابت ہوئیکچھ دن غلط سمجھا گیا بازار کے اندر ہوں میں
اب ہر قدم اک شور ہوں مچتا ہوا سر بند شوراب ہر طرح رنگ و رم و رفتار کے اندر ہوں میں
اعمال دیکھوں تو ترے میداں سے باہر بھاگ جاؤںاحوال دیکھا ہے سو تیرے وار کے اندر ہوں میں
تکرار آپس میں یہ دن اور رات کرتے ہیں کریںتکرار میں کیا دخل دوں تکرار کے اندر ہوں میں
اس خاک کا پیچھا نہ چھوڑ اس خون کا دامن نچوڑتلوار سے باہر بلا تلوار کے اندر ہوں میں
کچھ کچھ یہ سر اور پاؤں باہر ہیں سو ان کی فکر ہےباقی کا سارا اس گریباں زار کے اندر ہوں میں
— شاہین عباس
Deewar ke pichhe nahin deewar ke andar hoon mainJis ghaar ke bahar ho tum us ghaar ke andar hoon main
Maujoodgi akhir ko namaujudgi sabit huiKuchh din ghalat samjha gaya bazaar ke andar hoon main
Ab har qadam ek shor hoon machhta hua sar-band shorAb har tarah rang o ram o raftaar ke andar hoon main
Aamal dekhoon to tere maidan se bahar bhag jaunAhwal dekha hai so tere waar ke andar hoon main
Takrar aapas mein ye din aur raat karte hain kareinTakrar mein kya dakhl doon takrar ke andar hoon main
Is khaak ka pichha na chhod is khoon ka daman nichodTalwar se bahar bula talwar ke andar hoon main
Kuchh kuchh ye sar aur paon bahar hain so un ki fikr haiBaqi ka sara is girebaan-zaar ke andar hoon main