دو آنکھوں سے نمٹائی ہے منظر کی اداسییہ ساری زمیں بھر کی زماں بھر کی اداسی
آخر در و دیوار کے آنسو نکل آئےہم کو نظر آتی ہی نہ تھی گھر کی اداسی
ہم کون ہیں جو رنج میں پھر ایک ہوئے ہیںاے میری اداسی کے برابر کی اداسی
اندر سے ہم آئے تھے اداس آئے تھے باہرتب جا کے مکمل ہوئی باہر کی اداسی
پتھر پہ بنا دی گئی تصویر ہمارییعنی کہ بڑھا دی گئی پتھر کی اداسی
اک شام میں ڈھلتے ہوئے سایوں پہ ہنسا تھااب تک نہیں نکلی مرے اندر کی اداسی
جاگا ہوں تو خوش ہونے کی کوشش میں ہوں افسوسبستر ہی میں چھوڑ آیا ہوں بستر کی اداسی
میں سیڑھیاں چڑھتا چلا جاتا ہوں کہ جا لوںاوپر کی وہ تنہائی وہ اوپر کی اداسی
— شاہین عباس
Do aankhon se nimTāī hai manzar kī udaasīYe saarī zamīñ bhar kī zamāñ bhar kī udaasī
Āḳhir dar-o-dīvār ke aansū nikal aa.eHam ko nazar aatī hī na thī ghar kī udaasī
Ham kaun haiñ jo ranj meñ phir ek hue haiñAi merī udaasī ke barābar kī udaasī
Andar se ham aa.e the udaas aa.e the bāharTab jā ke mukammal huī bāhar kī udaasī
Patthar pe banā dī ga.ī tasvīr hamārīYa.nī ki baḌhā dī ga.ī patthar kī udaasī
Ik shaam meñ ḍhalte hue sāyoñ pe hañsā thāAb tak nahīñ niklī mire andar kī udaasī
Jāgā huñ to ḳhush hone kī koshish meñ huñ afsosBistar hī meñ chhoḌ aaya huñ bistar kī udaasī
Maiñ sīḌhiyāñ chaṛhtā chalā jaatā huñ ki jā loñŪpar kī vo tanhā.ī vo ūpar kī udaasī