کچھ بھی نہ جب دکھائی دے تب دیکھتا ہوں میںپھر بھی یہ خوف سا ہے کہ سب دیکھتا ہوں میں
آنکھیں تمہارے ہاتھ پہ رکھ کر میں چل دیااب تم پہ منحصر ہے کہ کب دیکھتا ہوں میں
آہٹ عقب سے آئی اور آگے نکل گئیجو پہلے دیکھنا تھا وہ اب دیکھتا ہوں میں
یہ وقت بھی بتاتا ہے آداب وقت بھیاس ٹوٹتے ستارے کو جب دیکھتا ہوں میں
اب یاں سے کون دے مری چشم طلب کو دادجس فاصلے سے باب طلب دیکھتا ہوں میں
ان پتلیوں کا قرض چکاتا ہوں کیا کروںبس دل سے دل ملاتا ہوں جب دیکھتا ہوں میں
ناکام عشق ہوں سو مرا دیکھنا بھی دیکھکم دیکھتا ہوں اور غضب دیکھتا ہوں میں
— شاہین عباس
Kuchh bhi na jab dikhai de tab dekhta hoon mainPhir bhi ye khauf sa hai ke sab dekhta hoon main
Aankhein tumhare hath pe rakh kar main chal diyaAb tum pe munhasir hai ke kab dekhta hoon main
Aahat aqab se aai aur aage nikal gaiJo pahle dekhna tha wo ab dekhta hoon main
Ye waqt bhi batata hai aadab-e-waqt bhiIs toot-te sitare ko jab dekhta hoon main
Ab yahan se kaun de miri chashm-e-talab ko dadJis fasle se bab-e-talab dekhta hoon main
In putliyon ka qarz chukata hoon kya karoonBas dil se dil milata hoon jab dekhta hoon main
Nakam-e-ishq hoon so mera dekhna bhi dekhKam dekhta hoon aur ghazab dekhta hoon main