منظر جاں کا سفر ہے پس منظر کی طرفان دنوں درد کا در کھلتا ہے اندر کی طرف
پھر مرے نقش کف پا سے رہائی پا کرخاک پا مائل پرواز ہوئی سر کی طرف
پچھلے پانی ابھی آنکھوں نے سنبھالے نہیں تھےدل نکل آیا ہے اک اور سمندر کی طرف
باہر آوازیں ہی آوازیں ہیں اور کچھ بھی نہیںخامشی کھینچ رہی ہے مجھے اندر کی طرف
اس قبیلے میں عجب طرز عداوت ہے کہ ہےمیرے پرتو کا نشانہ مرے پیکر کی طرف
جانے کس سمت میں لے جائیں مجھے گھر کے چراغاک ستارہ مجھے لے آیا تو ہے گھر کی طرف
— شاہین عباس
Manzar-e-jaan ka safar hai pas-manzar ki tarafIn dinon dard ka dar khulta hai andar ki taraf
Phir mere naqsh-e-kaf-e-paa se rihayi pa karKhaak-e-paa maayil-e-parwaaz hui sar ki taraf
Pichhle pani abhi aankhon ne sambhale nahin theDil nikal aaya hai ek aur samandar ki taraf
Bahar awaazein hi awaazein hain aur kuchh bhi nahinKhamoshi khench rahi hai mujhe andar ki taraf
Is qabile mein ajab tarz-e-adawat hai ke haiMere partaw ka nishana mere paikar ki taraf
Jaane kis simt mein le jaayen mujhe ghar ke chiraghEk sitarah mujhe le aaya to hai ghar ki taraf