مرے بننے سے کیا کیا بن رہا تھامیں بننے کو اکیلا بن رہا تھا
اور اب جب تن چکا تو شرم آئیکئی دن سے یہ پردہ بن رہا تھا
زیادہ ہو رہی تھیں دو سرائیںمیں پھر محفل کا حصہ بن رہا تھا
قیامت اور قیامت پر قیامتمیں خوش تھا میرا حلقہ بن رہا تھا
فلک مٹ سا گیا حد نظر تکستارہ ہی اک ایسا بن رہا تھا
نشیب شہر تھا یوں روز افزوںمیان شہر زینہ بن رہا تھا
خرابی میں یہ خم آیا اچانکخرابہ اچھا خاصا بن رہا تھا
میں آدھا جسم جا بیٹھا وہیں پرجہاں باقی کا آدھا بن رہا تھا
اور اب جب کچھ نہ بن پایا تو بولےیہی تو تھا جو کب کا بن رہا تھا
اداکاری نمو داری تھی یکسرمیں ناموجود کتنا بن رہا تھا
ٹھہر جانا ضرورت سے تھا یعنیگزر جانے کا لمحہ بن رہا تھا
مجھے آسان تھا ہونا نہ ہونازمانہ مٹ رہا تھا بن رہا تھا
— شاہین عباس
Mere banne se kya kya ban raha thaMain banne ko akela ban raha tha
Aur ab jab tan chuka to sharm aayiKayi din se yeh parda ban raha tha
Zyada ho rahi thin do sarayeinMain phir mehfil ka hissa ban raha tha
Qayamat aur qayamat par qayamatMain khush tha mera halqa ban raha tha
Falak mit sa gaya hadd-e-nazar takSitara hi ik aisa ban raha tha
Nasheb-e-shehar tha yoon roz afzoonMiyan-e-shehar zeena ban raha tha
Kharabi mein yeh kham aaya achanakKharaba achha khaasa ban raha tha
Main aadha jism ja baitha wahin parJahan baqi ka aadha ban raha tha
Aur ab jab kuch na ban paaya to boleYahi to tha jo kab ka ban raha tha
Adaakari namudaari thi yaksarMain namaujood kitna ban raha tha
Thehar jaana zaroorat se tha yaaniGuzar jaane ka lamha ban raha tha
Mujhe aasaan tha hona na honaZamana mit raha tha ban raha tha