پہلے تو مٹی کا اور پانی کا اندازہ ہواپھر مجھے اپنی پریشانی کا اندازہ ہوا
اے محبت تیرے دکھ سے دوستی آساں نہ تھیتجھ سا ہو کر تیری ویرانی کا اندازہ ہوا
عمر بھر ہم نے فنا کے تجربے خود پر کئےعمر بھر میں عالم فانی کا اندازہ ہوا
اک زمانے تک بدن بے خواب بے آداب تھےپھر اچانک اپنی عریانی کا اندازہ ہوا
تیرے ہاتھوں جل اٹھے ہم تیرے ہاتھوں جل بجھےہوتے ہوتے آگ اور پانی کا اندازہ ہوا
صورتیں بگڑیں تو اپنی حالتوں میں آئے ہمآئینہ ٹوٹا تو حیرانی کا اندازہ ہوا
— شاہین عباس
Pehle to mitti ka aur pani ka andaza huaPhir mujhe apni pareshani ka andaza hua
Aye mohabbat tere dukh se dosti aasaan na thiTujh sa ho kar teri veerani ka andaza hua
Umar bhar hum ne fana ke tajrube khud par kiyeUmar bhar mein aalam-e-fani ka andaza hua
Ik zamane tak badan be-khwab be-aadab thePhir achaanak apni uriyani ka andaza hua
Tere hathon jal uṭhe hum tere hathon jal bujheHote hote aag aur pani ka andaza hua
Sooratein bigaṛin to apni halaton mein aaye humAaina ṭooṭa to hairani ka andaza hua