یاد کرنے پہ بھی اب یاد نہ آنا دل کاجا چکا جیسے مرے دل سے زمانہ دل کا
دیکھ اس دل میں اضافی در و دیوار نہ رکھکہیں تقسیم نہ ہو جائے گھرانا دل کا
بندش چشم ہٹا کر بھی ہوا دی ہم نےپھر بھی اس جست پہ دریا نہیں مانا دل کا
سیر دنیا پہ بھی نکلے تو کس انداز کے ساتھدشت و دریا کو بھی اک سلسلہ جانا دل کا
اور اگر ہو بھی تو اپنے کسی مصرف کا نہیںخواب سے بیش نہ ہو پائے خزانہ دل کا
چلنا پڑتا ہے محبت کی سی رفتار کے ساتھآپ چل کر نہیں آ جاتا زمانہ دل کا
یہ دیا جانے کہاں منظر جاں سے ہٹ جائےاب ہوا باندھ کے چلتی ہے نشانہ دل کا
— شاہین عباس
Yaad karne pe bhi ab yaad na aana dil kaJa chuka jaise mere dil se zamana dil ka
Dekh is dil mein izaafi dar o deewaar na rakhKahin taqseem na ho jaaye gharana dil ka
Bandish e chashm haTa kar bhi hawa di hum nePhir bhi is just pe darya nahi mana dil ka
Sair e duniya pe bhi nikle to kis andaaz ke saathDasht o darya ko bhi ik silsila jaana dil ka
Aur agar ho bhi to apne kisi masraf ka nahiKhwaab se besh na ho paaye khazana dil ka
Chalna paRta hai mohabbat ki si raftaar ke saathAap chal kar nahi aa jata zamana dil ka
Yeh diya jaane kahan manzar e jaan se haT jaayeAb hawa baandh ke chalti hai nishaana dil ka