چراغ خود ہی بجھایا بجھا کے چھوڑ دیاوہ غیر تھا اسے اپنا بنا کے چھوڑ دیا
ہزار چہرے ہیں موجود آدمی غائبیہ کس خرابے میں دنیا نے لا کے چھوڑ دیا
میں اپنی جاں میں اسے جذب کس طرح کرتااسے گلے سے لگایا لگا کے چھوڑ دیا
میں جا چکا ہوں مرے واسطے اداس نہ ہومیں وہ ہوں تو نے جسے مسکرا کے چھوڑ دیا
کسی نے یہ نہ بتایا کہ فاصلہ کیا ہےہر ایک نے مجھے رستہ دکھا کے چھوڑ دیا
ہمارے دل میں ہے کیا جھانک کر نہ دیکھ سکےخود اپنی ذات سے پردہ اٹھا کے چھوڑ دیا
وہ تیرا روگ بھی ہے اور ترا علاج بھی ہےاسی کو ڈھونڈ جسے تنگ آ کے چھوڑ دیا
وہ انجمن میں ملا بھی تو اس نے بات نہ کیکبھی کبھی کوئی جملہ چھپا کے چھوڑ دیا
رکھوں کسی سے توقع تو کیا رکھوں شہزادؔخدا نے بھی تو زمیں پر گرا کے چھوڑ دیا
— شہزاد احمد
Charagh khud hi bujhaya bujha ke chhod diyaWoh ghair tha use apna bana ke chhod diya
Hazaar chehre hain maujood aadmi ghaayabYeh kis kharabe mein duniya ne laa ke chhod diya
Main apni jaan mein use jazb kis tarah kartaUse gale se lagaya laga ke chhod diya
Main jaa chuka hoon mere waaste udaas na hoMain woh hoon tu ne jise muskura ke chhod diya
Kisi ne yeh na bataya ke fasla kya haiHar ek ne mujhe rasta dikha ke chhod diya
Hamare dil mein hai kya jhaank kar na dekh sakeKhud apni zaat se parda utha ke chhod diya
Woh tera rog bhi hai aur tera ilaaj bhi haiIsi ko dhoond jise tang aa ke chhod diya
Woh anjuman mein mila bhi to us ne baat na kiKabhi kabhi koi jumla chhupa ke chhod diya
Rakhoon kisi se tawaqqo to kya rakhoon ShehzadKhuda ne bhi to zameen par gira ke chhod diya
