جو شجر سوکھ گیا ہے وہ ہرا کیسے ہومیں پیمبر تو نہیں میرا کہا کیسے ہو
دل کے ہر ذرے پہ ہے نقش محبت اس کینور آنکھوں کا ہے آنکھوں سے جدا کیسے ہو
جس کو جانا ہی نہیں اس کو خدا کیوں مانیںاور جسے جان چکے ہیں وہ خدا کیسے ہو
عمر ساری تو اندھیرے میں نہیں کٹ سکتیہم اگر دل نہ جلائیں تو ضیا کیسے ہو
جس سے دو روز بھی کھل کر نہ ملاقات ہوئیمدتوں بعد ملے بھی تو گلا کیسے ہو
دور سے دیکھ کے میں نے اسے پہچان لیااس نے اتنا بھی نہیں مجھ سے کہا کیسے ہو
وہ بھی اک دور تھا جب میں نے تجھے چاہا تھادل کا دروازہ ہے ہر وقت کھلا کیسے ہو
جب کوئی داد وفا چاہنے والا نہ رہاکون انصاف کرے حشر بپا کیسے ہو
آئنے میں بھی نظر آتی ہے صورت تیریکوئی مقصود نظر تیرے سوا کیسے ہو
کن نگاہوں سے اسے دیکھ رہا ہوں شہزادؔمجھ کو معلوم نہیں اس کو پتا کیسے ہو
— شہزاد احمد
Jo shajar sookh gaya hai woh hara kaise hoMain payambar to nahin mera kaha kaise ho
Dil ke har zarre pe hai naqsh-e-mohabbat us kiNoor aankhon ka hai aankhon se juda kaise ho
Jis ko jaana hi nahin us ko Khuda kyun maanenAur jise jaan chuke hain woh Khuda kaise ho
Umar saari to andhere mein nahin kat saktiHum agar dil na jalayen to ziya kaise ho
Jis se do roz bhi khul kar na mulaqaat huiMuddaton baad mile bhi to gila kaise ho
Dur se dekh ke main ne use pehchan liyaUs ne itna bhi nahin mujh se kaha kaise ho
Woh bhi ek daur tha jab main ne tujhe chaha thaDil ka darwaza hai har waqt khula kaise ho
Jab koi daad-e-wafa chahne wala na rahaKaun insaaf kare hashr bapa kaise ho
Aaine mein bhi nazar aati hai soorat teriKoi maqsood-e-nazar tere siwa kaise ho
Kin nigahon se use dekh raha hoon ShehzadMujh ko maloom nahin us ko pata kaise ho
