ترے کوچے کو وہ بیمارِغم دارلشفا سمجھےاجل کو جو طبیب اور مرگ کو اپنی دوا سمجھے
ستم کو ہم کرم سمجھے ، جفا کو ہم وفا سمجھےاور اُس پر بھی نہ سمجھے وہ تو اُس بُت سے خدا سمجھے
تجھے اے سنگدل آرامِ جانِ مبتلا سمجھےپڑیں پتھر سمجھ پر اپنی ہم سمجھے تو کیا سمجھے
مجھے آتا ہے رشک اُس رندِ مے آشام پر ساقینہ جو "دع ماکدر" جانے نہ جو "خذ ما صفا" سمجھے
نہ آیا خاک بھی رستہ سمجھ میں عمرِ رفتہ کامگر سمجھے تو داغِ معصیت کو نقشِ پا سمجھے
سمجھ میں ہی نہیں آتی ہے کوئی بات ذوقؔ اُس کیکوئی جانے تو کیا جانے کوئی سمجھے تو کیا سمجھے؟
— شیخ ابراہیم ذوق
Tere kuche ko woh beemar-e-gham dar-ul-shifa samjheAjal ko jo tabeeb aur marg ko apni dawa samjhe
Sitam ko hum karam samjhe, jafa ko hum wafa samjheAur us par bhi na samjhe woh toh us but se khuda samjhe
Tujhe aye sangdil aaraam-e-jaan-e-mubtala samjhePadein patthar samajh par apni hum samjhe toh kya samjhe
Mujhe aata hai rashk us rind-e-mai-aasham par saqiNa jo "da'a maa kuddir" jaane na jo "khuz maa safaa" samjhe
Na aaya khaak bhi rasta samajh mein umr-e-rafta kaMagar samjhe toh daagh-e-masiyat ko naqsh-e-paa samjhe
Samajh mein hi nahin aati hai koi baat Zauq us kiKoi jaane toh kya jaane koi samjhe toh kya samjhe?
