دونوں کے درمیان مُقدّر تو آئے گا !الزامِ بے وفائی کسی پر تو آئے گا !
جب تُم کُھلی کتاب ہو، پڑھتے رہیں گے لوگ !بیری ہو گھر کے صحن میں، پَتھر تو آئے گا !
رویا ہوں اُن کی یاد میں، خود سے لِپٹ کے میں !دِل کو مرے قرار، گھڑی بھر تو آئے گا !
لفظوں کو جوڑ توڑ کے اتنا بڑھا لیا !میرا کلام غم کے برابر تو آئے گا !
آنکھوں سے دور رہنے کی تاکید کی تو تھی !اِن میں اُتر گئے ہو ! سمندر تو آئے گا !
آوارگی میں گُم ہے ابھی دل تو کیا ہوا !ٹوٹے گا کھا کے ٹھوکریں، پھر گھر تو آئے گا !
میرے ہزار کہنے پہ آئے نہ آئے زین !لیکن وہ میری موت کا سُن کر تو آئے گا !
— زین شکیل
Donon ke darmiyan muqaddar to aayega !Ilzaam-e-bewafai kisi par to aayega !
Jab tum khuli kitab ho, padhte rahenge log !Beri ho ghar ke sehan mein, patthar to aayega !
Roya hoon un ki yaad mein, khud se lipat ke main !Dil ko mere qaraar, ghadi bhar to aayega !
Lafzon ko jod tod ke itna badha liya !Mera kalaam gham ke barabar to aayega !
Aankhon se door rehne ki taakeed ki to thi !In mein utar gaye ho ! Samundar to aayega !
Aawargi mein gum hai abhi dil to kya hua !Toote ga kha ke thokarain, phir ghar to aayega !
Mere hazaar kehne pe aaye na aaye Zain !Lekin woh meri maut ka sun kar to aayega !
