آنکھوں میں آنسوؤں کو ابھرنے نہیں دیامٹی میں موتیوں کو بکھرنے نہیں دیا
جس راہ پر پڑے تھے ترے پاؤں کے نشاںاس راہ سے کسی کو گزرنے نہیں دیا
چاہا تو چاہتوں کی حدوں سے گزر گئےنشہ محبتوں کا اترنے نہیں دیا
ہر بار ہے نیا ترے ملنے کا ذائقہایسا ثمر کسی بھی شجر نے نہیں دیا
یہ ہجر ہے تو اس کا فقط وصل ہے علاجہم نے یہ زخم وقت کو بھرنے نہیں دیا
اتنے بڑے جہان میں جائے گا تو کہاںاس اک خیال نے مجھے مرنے نہیں دیا
ساحل دکھائی دے تو رہا تھا بہت قریبکشتی کو راستہ ہی بھنور نے نہیں دیا
جتنا سکوں ملا ہے ترے ساتھ راہ میںاتنا سکون تو مجھے گھر نے نہیں دیا
اس نے ہنسی ہنسی میں محبت کی بات کیمیں نے عدیمؔ اس کو مکرنے نہیں دیا
— عدیم ہاشمی
Aankhon mein aansuon ko ubharne nahin diyaMitti mein motiyon ko bikharne nahin diya
Jis raah par pade the tere paaon ke nishaanUs raah se kisi ko guzarne nahin diya
Chaaha to chaahaton ki haddon se guzar gayeNasha mohabbaton ka utarne nahin diya
Har baar hai naya tere milne ka zaaiqaایسا samar kisi bhi shajar ne nahin diya
Ye hijr hai to is ka faqat vasl hai ilaajHum ne ye zakhm waqt ko bharne nahin diya
Itne bade jahaan mein jaaye ga tu kahaanIs ek khayaal ne mujhe marne nahin diya
Saahil dikhai de to raha tha bahut qareebKashti ko raasta hi bhanwar ne nahin diya
Jitna sukoon mila hai tere saath raah meinItna sukoon to mujhe ghar ne nahin diya
Us ne hansi hansi mein mohabbat ki baat kiMain ne Adeem is ko mukarne nahin diya