محتاج ہم سفر کی مسافت نہ تھی مریسب ساتھ تھے کسی سے رفاقت نہ تھی مری
حق کس سے مانگتا کہ مکینوں کے ساتھ ساتھدیوار و بام و در کو ضرورت نہ تھی مری
سچ بول کے بھی دیکھ لیا ان کے سامنےلیکن انہیں پسند صداقت نہ تھی مری
میں جن پہ مر مٹا تھا وہ کاغذ کے پھول تھےرسمی مکالمے تھے محبت نہ تھی مری
جو دوسروں کے دکھ تھے وہی میرے دکھ بھی تھےکچھ ایسی مختلف بھی حکایت نہ تھی مری
بس کچھ اصول تھے جو بہ ہر حال تھے عزیزجانم کسی سے ورنہ عداوت نہ تھی مری
— اعتبارساجد
Mohtaaj ham-safar ki masaafat na thi meriSab saath thhey kisi se rafaaqat na thi meri
Haq kis se maangta ke makeenon ke saath saathDeewar-o-baam-o-dar ko zarurat na thi meri
Sach bol ke bhi dekh liya un ke saamneLekin unhein pasand sadaaqat na thi meri
Main jin pe mar mita tha woh kaghaz ke phool thheyRasmi mukalame thhey mohabbat na thi meri
Jo doosron ke dukh thhey wohi mere dukh bhi thheyKuch aisi mukhtalif bhi hikaayat na thi meri
Bas kuch asool thhey jo ba-har haal thhey azeezJaanam kisi se warna adawat na thi meri
