یہ محبت کا جو انبار پڑا ہے مجھ میںاس لیے ہے کہ مرا یار پڑا ہے مجھ میں
چھینٹ اک اڑ کے مری آنکھ میں آئی تو کھلاایک دریا ابھی تہہ دار پڑا ہے مجھ میں
میری پیشانی پہ اس بل کی جگہ ہے ہی نہیںصبر کے ساتھ جو ہموار پڑا ہے مجھ میں
ہر تعلق کو محبت سے نبھا لیتا ہےدل ہے یا کوئی اداکار پڑا ہے مجھ میں
میرا دامن بھی کوئی دست ہوس کھینچتا ہےایک میرا بھی خریدار پڑا ہے مجھ میں
کس نے آباد کیا ہے مری ویرانی کوعشق نے؟ عشق تو بیمار پڑا ہے مجھ میں
میرے اکسانے پہ میں نے مجھے برباد کیامیں نہیں میرا گنہ گار پڑا ہے مجھ میں
مشورہ لینے کی نوبت ہی نہیں آ پاتیایک سے ایک سمجھ دار پڑا ہے مجھ میں
اے برابر سے گزرتے ہوئے دکھ تھم تو سہیتجھ پہ رونے کو عزا دار پڑا ہے مجھ میں
میرا ہونا مرے ہونے کی گواہی تو نہیںمیرے آگے مرا انکار پڑا ہے مجھ میں
بھوک ایسی ہے کہ میں خود کو بھی کھا سکتا ہوںکیسا یہ قحط لگاتار پڑا ہے مجھ میں
— انجم سلیمی
Yeh mohabbat ka jo ambaar pada hai mujh meinIs liye hai ke mira yaar pada hai mujh mein
Cheent ik ud ke meri aankh mein aayi toh khulaEk darya abhi teh-daar pada hai mujh mein
Meri peshani pe us bal ki jagah hai hi nahinSabar ke saath jo hamwar pada hai mujh mein
Har talluq ko mohabbat se nibha leta haiDil hai ya koi adakaar pada hai mujh mein
Mera daaman bhi koi dast-e-hawas kheenchta haiEk mera bhi khareedar pada hai mujh mein
Kis ne aabaad kiya hai meri veerani koIshq ne? Ishq toh beemar pada hai mujh mein
Mere uksane pe main ne mujhe barbaad kiyaMain nahin mera gunahgar pada hai mujh mein
Mashwara lene ki naubat hi nahin aa paatiEk se ek samajh-daar pada hai mujh mein
Aye barabar se guzarte hue dukh tham toh sahiTujh pe rone ko azadar pada hai mujh mein
Mera hona mere hone ki gawahi toh nahinMere aage mira inkar pada hai mujh mein
Bhook aisi hai ke main khud ko bhi kha sakta hoonKaisa yeh qahet lagataar pada hai mujh mein
