دروازہ ترے شہر کا وا چاہئے مجھ کوجینا ہے مجھے تازہ ہوا چاہئے مجھ کو
آزار بھی تھے سب سے زیادہ مری جاں پرالطاف بھی اوروں سے سوا چاہئے مجھ کو
وہ گرم ہوائیں ہیں کہ کھلتی نہیں آنکھیںصحرا میں ہوں بادل کی ردا چاہئے مجھ کو
لب سی کے مرے تو نے دیے فیصلے سارےاک بار تو بے درد سنا چاہئے مجھ کو
سب ختم ہوئے چاہ کے اور خبط کے قصےاب پوچھنے آئے ہو کہ کیا چاہئے مجھ کو
ہاں چھوٹا مرے ہاتھ سے اقرار کا دامنہاں جرم ضعیفی کی سزا چاہئے مجھ کو
محبوس ہے گنبد میں کبوتر مری جاں کااڑنے کو فلک بوس فضا چاہئے مجھ کو
سمتوں کے طلسمات میں گم ہے مری تائیدقبلہ تو ہے اک قبلہ نما چاہئے مجھ کو
میں پیروی اہل سیاست نہیں کرتااک راستہ ان سب سے جدا چاہئے مجھ کو
وہ شور تھا محفل میں کہ چلا اٹھا واعظؔاک جام مئے ہوش ربا چاہئے مجھ کو
تقصیر نہیں عرشؔ کوئی سامنے پھر بھیجیتا ہوں تو جینے کی سزا چاہئے مجھ کو
— عرش صدیقی
Darwaza tere shehar ka waa chahiye mujh koJeena hai mujhe taza hawa chahiye mujh ko
Aazaar bhi the sab se zyada meri jaan parAltaaf bhi auron se siwa chahiye mujh ko
Woh garam hawaein hain ke khulti nahin aankheinSehra mein hoon badal ki rida chahiye mujh ko
Lab si ke mere tu ne diye faisle saareEk baar to be-dard suna chahiye mujh ko
Sab khatm hue chah ke aur khabt ke qisseAb poochhne aaye ho ke kya chahiye mujh ko
Haan chhoota mere haath se iqrar ka daamanHaan jurm-e-za'eefi ki saza chahiye mujh ko
Mehboos hai gumbad mein kabootar meri jaan kaUdne ko falak bos faza chahiye mujh ko
Simton ke tilsmaat mein gum hai meri taaeedQibla to hai ek qibla numa chahiye mujh ko
Main pairawi-e-ahl-e-siyasat nahin kartaEk raasta un sab se juda chahiye mujh ko
Woh shor tha mehfil mein ke chala utha waaizEk jaam-e-mai-e-hosh ruba chahiye mujh ko
Taqseer nahin Arsh koi samne phir bhiJeeta hoon to jeene ki saza chahiye mujh ko
