زنجیر سے اٹھتی ہے صدا سہمی ہوئی سیجاری ہے ابھی گردش پا سہمی ہوئی سی
دل ٹوٹ تو جاتا ہے پہ گریہ نہیں کرتاکیا ڈر ہے کہ رہتی ہے وفا سہمی ہوئی سی
اٹھ جائے نظر بھول کے گر جانب افلاکہونٹوں سے نکلتی ہے دعا سہمی ہوئی سی
ہاں ہنس لو رفیقو کبھی دیکھی نہیں تم نےنمناک نگاہوں میں حیا سہمی ہوئی سی
تقصیر کوئی ہو تو سزا عمر کا رونامٹ جائیں وفا میں تو جزا سہمی ہوئی سی
ہاں ہم نے بھی پایا ہے صلہ اپنے ہنر کالفظوں کے لفافوں میں بقا سہمی ہوئی سی
ہر لقمے پہ کھٹکا ہے کہیں یہ بھی نہ چھن جائےمعدے میں اترتی ہے غذا سہمی ہوئی سی
اٹھتی تو ہے سو بار پہ مجھ تک نہیں آتیاس شہر میں چلتی ہے ہوا سہمی ہوئی سی
ہے عرشؔ وہاں آج محیط ایک خموشیجس راہ سے گزری تھی قضا سہمی ہوئی سی
— عرش صدیقی
Zanjeer se uthti hai sada sehmi hui siJaari hai abhi gardish-e-paa sehmi hui si
Dil toot to jata hai pe girya nahin kartaKya dar hai ke rehti hai wafa sehmi hui si
Uth jaaye nazar bhool ke gar jaanib-e-aflaakHonton se nikalti hai dua sehmi hui si
Haan hans lo rafeeqo kabhi dekhi nahin tum neNamnak nigaahon mein haya sehmi hui si
Taqseer koi ho to saza umr ka ronaMit jaein wafa mein to jaza sehmi hui si
Haan hum ne bhi paya hai sila apne hunar kaLafzon ke lifafon mein baqa sehmi hui si
Har luqme pe khatka hai kahin ye bhi na chhin jaayeMaide mein utarti hai ghiza sehmi hui si
Uthti to hai sau baar pe mujh tak nahin aatiIs shehr mein chalti hai hawa sehmi hui si
Hai Arsh wahan aaj muheet ek khamoshiJis raah se guzri thi qaza sehmi hui si
