اے مرے زخم دل نواز غم کو خوشی بنائے جاآنکھوں سے خوں بہائے جا ہونٹوں سے مسکرائے جا
جانے سے پہلے بے وفا شب کو سحر بنائے جادل کو بجھا کے کیا چلا شمع کو بھی بجھائے جا
سانس کا تار ٹوٹ جائے ٹوٹے نہ تار آہ کاایک ہی لے پہ گائے جا ایک ہی دھن بجائے جا
حکم طلب کے منتظر شوق کی آبرو نہ کھوسر کو قدم بنا کے چل آنکھوں سے بے بلائے جا
لے وہ دوائے تلخ ہے جس کا اثر ہے خوش گوارپینے میں منہ بنائے جا دل میں مزے اٹھائے جا
جوشش چشم اشک بار مفت نہ رکھ کرم کا بارمیری لگی تو بجھ چکی اپنی لگی بجھائے جا
منزل بے خودیٔ شوق حد نظر سے دور ہےپیچھے پلٹ کے بھی نہ دیکھ آگے قدم بڑھائے جا
اک ہمہ تن ہے پائے ناز اک ہمہ تن سر نیازیہ تو چلن جہاں کا ہے جتنا دے دبائے جا
ظرف شراب تیرے پاس ظروف سرور میرے پاسدل تو نہیں بقدر جام دیکھ نہ منہ پلائے جا
دونوں ہیں ناز دلبری ضد میں ہے جن کی اور لطفایک طرف لگائے جا ایک طرف بجھائے جا
چاند میں گم چکور خود چاند کہیں چھپا ہوااپنی تلاش ختم کر اس کا پتہ لگائے جا
آرزوؔ اس سے کہہ دو صاف غم کا اثر ہے دیر پاجلد ہنسی نہ آئے گی اور ابھی گدگدائے جا
— آرزو لکھنوی
Ae mere zakhm-e-dil nawaz gham ko khushi banaaye jaAankhon se khoon bahaye ja honTon se muskuraaye ja
Jaane se pahle be-wafa shab ko sahar banaaye jaDil ko bujha ke kya chala shama ko bhi bujhaaye ja
Saans ka taar TooT jaaye TooTe na taar aah kaEk hi lay pe gaaye ja ek hi dhun bajaaye ja
Hukm-e-talab ke muntazir shauq ki aabroo na khoSar ko qadam bana ke chal aankhon se be-bulaaye ja
Le woh dawa-e-talkh hai jis ka asar hai khush-gawarPeene mein munh banaaye ja dil mein maze uThaaye ja
Joshish-e-chashm-e-ashk baar muft na rakh karam ka baarMeri lagi to bujh chuki apni lagi bujhaaye ja
Manzil-e-be-khudi-e-shauq had-e-nazar se door haiPeechhe palaT ke bhi na dekh aage qadam baRhaye ja
Ek hama tan hai paaye naaz ek hama tan sar-e-niyazYe to chalan jahan ka hai jitna de dabaaye ja
Zarf-e-sharab tere paas zuroof-e-suroor mere paasDil to nahin ba-qadar-e-jaam dekh na munh pilaaye ja
Donon hain naaz-e-dilbari zid mein hai jin ki aur lutfEk taraf lagaaye ja ek taraf bujhaaye ja
Chand mein gum chakor khud chand kahin chhupa huaApni talash khatm kar is ka pata lagaaye ja
Aarzoo is se keh do saaf gham ka asar hai der-paJald hansi na aayegi aur abhi gadgaday ja
