میں آہیں بھر نہیں سکتا کہ نغمے گا نہیں سکتاسکوں لیکن مرے دل کو میسر آ نہیں سکتا
کوئی نغمے تو کیا اب مجھ سے میرا ساز بھی لے لےجو گانا چاہتا ہوں آہ وہ میں گا نہیں سکتا
متاع سوز و ساز زندگی پیمانہ و بربطمیں خود کو ان کھلونوں سے بھی اب بہلا نہیں سکتا
وہ بادل سر پہ چھائے ہیں کہ سر سے ہٹ نہیں سکتےملا ہے درد وہ دل کو کہ دل سے جا نہیں سکتا
ہوس کاری ہے جرم خودکشی میری شریعت میںیہ حد آخری ہے میں یہاں تک جا نہیں سکتا
نہ طوفاں روک سکتے ہیں نہ آندھی روک سکتی ہےمگر پھر بھی میں اس قصر حسیں تک جا نہیں سکتا
وہ مجھ کو چاہتی ہے اور مجھ تک آ نہیں سکتیمیں اس کو پوجتا ہوں اور اس کو پا نہیں سکتا
یہ مجبوری سی مجبوری یہ لاچاری سی لاچاریکہ اس کے گیت بھی دل کھول کر میں گا نہیں سکتا
زباں پر بے خودی میں نام اس کا آ ہی جاتا ہےاگر پوچھے کوئی یہ کون ہے بتلا نہیں سکتا
کہاں تک قصۂ آلام فرقت مختصر یہ ہےیہاں وہ آ نہیں سکتی وہاں میں جا نہیں سکتا
حدیں وہ کھینچ رکھی ہیں حرم کے پاسبانوں نےکہ بن مجرم بنے پیغام بھی پہنچا نہیں سکتا
— اسرار الحق مجاز
Main aahein bhar nahin sakta ke naghme ga nahin saktaSukun lekin mere dil ko mayassar aa nahin sakta
Koi naghme to kya ab mujh se mera saaz bhi le leJo gaana chahta hoon aah wo main ga nahin sakta
Mataa-e-soz-o-saaz-e-zindagi paimana-o-barbatMain khud ko in khilono se bhi ab behla nahin sakta
Wo baadal sar pe chhaye hain ke sar se hat nahin sakteMila hai dard wo dil ko ke dil se ja nahin sakta
Hawas-kari hai jurm khudkushi meri shariyat meinYe had aakhri hai main yahan tak ja nahin sakta
Na toofan rok sakte hain na aandhi rok sakti haiMagar phir bhi main us qasr-e-haseen tak ja nahin sakta
Wo mujh ko chahti hai aur mujh tak aa nahin saktiMain us ko poojta hoon aur us ko pa nahin sakta
Ye majboori si majboori ye lachari si lachariKe us ke geet bhi dil khol kar main ga nahin sakta
Zubaan par bekhudi mein naam uska aa hi jaata haiAgar poochhe koi ye kaun hai batla nahin sakta
Kahan tak qissa-e-aalam-e-furqat mukhtasar ye haiYahan wo aa nahin sakti wahan main ja nahin sakta
Hadein wo kheench rakhi hain haram ke pasbaanon neKe bin mujrim bane paigham bhi pahuncha nahin sakta
