مزدوروں کا گیت

Mehnat se yeh maana chor hain humAaraam se koson dur hain hum

Par ladne par majboor hain humMazdoor hain hum mazdoor hain hum

Go aafat o gham ke maare hainHum khaak nahin hain taare hain

Is jag ke raaj dulaare hainMazdoor hain hum mazdoor hain hum

Banne ki tamanna rakhte hainMitne ka kaleja rakhte hain

Sarkash hain sar ooncha rakhte hainMazdoor hain hum mazdoor hain hum

Har chand ke hain adbaar mein humKehte hain khule bazaar mein hum

Hain sab se bade sansaar mein humMazdoor hain hum mazdoor hain hum

Jis simt badha dete hain qadamJhuk jaate hain shahon ke parcham

Saawant hain hum balwant hain humMazdoor hain hum mazdoor hain hum

Go jaan pe lakhon baar baniKar guzre magar jo jee mein thani

Hum dil ke khare baaton ke dhaniMazdoor hain hum mazdoor hain hum

Hum kya hain kabhi dikhla dein geHum nazm-e-kuhan ko dha dein ge

Hum arz-o-sama ko hila dein geMazdoor hain hum mazdoor hain hum

Hum jism mein taqat rakhte hainSeenoN mein haraarat rakhte hain

Hum azm-e-baghaawat rakhte hainMazdoor hain hum mazdoor hain hum

Jis roz baghaawat kar dein geDuniya mein qayamat kar dein ge

Khwabon ko haqeeqat kar dein geMazdoor hain hum mazdoor hain hum

Hum qabza kareinge daftar parHum waar kareinge qaisar par

Hum toot padeinge lashkar parMazdoor hain hum mazdoor hain hum