آنکھ میں خواب زمانے سے الگ رکھا ہےعکس کو آئنہ خانے سے الگ رکھا ہے
گھر میں گلدان سجائے ہیں تری آمد پراور اک پھول بہانے سے الگ رکھا ہے
کچھ ہوا میں بھی چلانے کے لئے رکھا جائےاس لیے تیر نشانے سے الگ رکھا ہے
اس کے ہونٹوں کو نہیں آنکھ کو دی ہے ترجیحپیاس کو پیاس بجھانے سے الگ رکھا ہے
غیر ممکن ہے کسی اور کے ہاتھ آ جائےوہ خزانہ جو خزانے سے الگ رکھا ہے
اک ہوا سی کہیں باندھی ہے چھپانے کے لئےاک تماشا سا لگانے سے الگ رکھا ہے
خواب ہی خواب میں تعمیر کیا ہے آزرؔگھر کو بنیاد اٹھانے سے الگ رکھا ہے
— دلاور علی آزر
Aankh mein khwab zamane se alag rakha haiAks ko aaina khane se alag rakha hai
Ghar mein guldaan sajaaye hain teri aamad parAur ek phool bahane se alag rakha hai
Kuch hawa mein bhi chalane ke liye rakha jaayeIs liye teer nishane se alag rakha hai
Us ke honton ko nahin aankh ko di hai tarjeehPiyas ko piyas bujhane se alag rakha hai
Ghair mumkin hai kisi aur ke haath aa jayeWo khazana jo khazane se alag rakha hai
Ek hawa si kahin bandhi hai chhupane ke liyeEk tamasha sa lagane se alag rakha hai
Khwab hi khwab mein taameer kiya hai AzarGhar ko buniyad uthane se alag rakha hai
