یہ خرابہ کبھی آباد ہوا کرتا تھامور چگتے تھے یہاں اونٹ وہاں چرتا تھا
رات لے آئی ہے پھر گھور اندھیرے میں اسےان خلاؤں سے مرا چاند بہت ڈرتا تھا
نشۂ حال نے بدمست کیا تھا اس کوآنکھ رکھتا تھا کہیں پاؤں کہیں دھرتا تھا
حبس اتنا تھا کہ کھنچتی ہی نہ تھی سانس کی ڈورزندہ رہنے کی تگ و دو میں جہاں مرتا تھا
جانے تصویر سے کیا شکل نکل آئی تھیرنگ بھرتے ہوئے آہیں بھی کوئی بھرتا تھا
یہ نیا دور ہے ورنہ تو گئے وقتوں میںپھول خوشبو کا نمائندہ ہوا کرتا تھا
اب مجھے یاد نہیں زیست کا معنی آزرؔمیں نے اس لفظ کو عجلت میں کہیں برتا تھا
— دلاور علی آزر
Ye kharaba kabhi aabad hua karta thaMor chugte the yahan oonth wahan charta tha
Raat le aayi hai phir ghoor andhere mein useUn khalaon se mera chand bahut darta tha
Nasha-e-haal ne badmast kiya tha us koAankh rakhta tha kahin paon kahin dharta tha
Habs itna tha ke khinchti hi na thi saans ki dorZinda rehne ki tag-o-dau mein jahan marta tha
Jaane tasveer se kya shakal nikal aayi thiRang bharte hue aahein bhi koi bharta tha
Ye naya daur hai warna to gaye waqton meinPhool khushboo ka numainda hua karta tha
Ab mujhe yaad nahin zeest ka maani AzarMain ne is lafz ko ujlat mein kahin barta tha
