لاؤ ہاتھ اپنا لاؤ ذراچھو کے میرا بدن
اپنے بچے کے دل کا دھڑکنا سنوناف کے اس طرف
اس کی جنبش کو محسوس کرتے ہو تمبس یہیں چھوڑ دو
تھوڑی دیر اور اس ہاتھ کو میرے ٹھنڈے بدن پر یہیں چھوڑ دومیرے بے کل نفس کو قرار آ گیا
میرے عیسیٰ مرے درد کے چارہ گرمیرا ہر موئے تن
اس ہتھیلی سے تسکین پانے لگااس ہتھیلی کے نیچے مرا لال کروٹ سی لینے لگا
انگلیوں سے بدن اس کا پہچان لوتم اسے جان لو
چومنے دو مجھے اپنی یہ انگلیاںان کی ہر پور کو چومنے دو مجھے
ناخنوں کو لبوں سے لگا لوں ذراپھول لاتی ہوئی یہ ہری انگلیاں
میری آنکھوں سے آنسو ابلتے ہوئےان سے سینچوں گی میں
پھول لاتی ہوئی انگلیوں کی جڑیں چومنے دو مجھےاپنے بال اپنے ماتھے کا چاند اپنے لب
یہ چمکتی ہوئی کالی آنکھیںمرے کانپتے ہونٹ میری چھلکتی ہوئی آنکھ کو دیکھ کر کتنی حیران ہیں
تم کو معلوم کیا تم کو معلوم کیاتم نے جانے مجھے کیا سے کیا کر دیا
میرے اندر اندھیرے کا آسیب تھایا کراں تا کراں ایک انمٹ خلا
یوں ہی پھرتی تھی میںزیست کے ذائقے کو ترستی ہوئی
دل میں آنسو بھرے سب پہ ہنستی ہوئیتم نے اندر مرا اس طرح بھر دیا
پھوٹتی ہے مرے جسم سے روشنیسب مقدس کتابیں جو نازل ہوئیں
سب پیمبر جو اب تک اتارے گئےسب فرشتے کہ ہیں بادلوں سے پرے
رنگ سنگیت سر پھول کلیاں شجرصبح دم پیڑ کی جھومتی ڈالیاں
ان کے مفہوم جو بھی بتائے گئےخاک پر بسنے والے بشر کو مسرت کے جتنے بھی نغمے سنائے گئے
سب رشی سب منی انبیا اولیاخیر کے دیوتا حسن نیکی خدا
آج سب پر مجھےاعتبار آ گیا اعتبار آ گیا
— فہمیدہ ریاض
Lao haath apna lao zaraChhoo ke mera badan
Apne bacche ke dil ka dhadakna sunoNaaf ke is taraf
Is ki junbish ko mehsoos karte ho tumBas yahin chhod do
Thodi der aur is haath ko mere thande badan par yahin chhod doMere bekal nafas ko qaraar aa gaya
Mere Eesa mere dard ke charagharMera har moo-e-tan
Is hatheli se taskeen paane lagaIs hatheli ke neeche mera laal karwat si lene laga
Ungliyon se badan us ka pehchaan loTum usay jaan lo
Chumne do mujhe apni ye ungliyanIn ki har poor ko chumne do mujhe
Naakhuno ko labon se laga loon zaraPhool laati hui ye hari ungliyan
Meri aankhon se aansu ubalte hueIn se seenchun gi main
Phool laati hui ungliyon ki jaden chumne do mujheApne baal apne maathe ka chand apne lab
Ye chamakti hui kaali aankhenMere kaanpte honth meri chhalkati hui aankh ko dekh kar kitni hairan hain
Tum ko maloom kya tum ko maloom kyaTum ne jaane mujhe kya se kya kar diya
Mere andar andhere ka aaseb thaYa karaan ta karaan ek anmit khala
Yunhi phirti thi mainZeest ke zaiqe ko tarasti hui
Dil mein aansu bhare sab pe hansti huiTum ne andar mera is tarah bhar diya
Phootti hai mere jism se roshniSab muqaddas kitaben jo naazil huin
Sab paighambar jo ab tak utare gayeSab farishte ke hain baadalon se pare
Rang sangeet sur phool kaliyaan shajarSubh dam ped ki jhoomti daaliyan
In ke mafhoom jo bhi bataye gayeKhaak par basne wale bashar ko masarrat ke jitne bhi naghme sunaye gaye
Sab rishi sab muni ambiya auliyaKhair ke devta husn neki khuda
Aaj sab par mujheE'tibar aa gaya e'tibar aa gaya
