سینے کے زخم پاؤں کے چھالے کہاں گئےاے حسن تیرے چاہنے والے کہاں گئے
شانوں کو چھین چھین کے پھینکا گیا کہاںآئینے توڑ پھوڑ کے ڈالے کہاں گئے
خلوت میں روشنی ہے نہ محفل میں روشنیاہل وفا چراغ وفا لے کہاں گئے
بت خانے میں بھی ڈھیر ہیں ٹکڑے حرم میں بھیجام و سبو کہاں تھے اچھالے کہاں گئے
آنکھوں سے آنسوؤں کو ملی خاک میں جگہپالے کہاں گئے تھے نکالے کہاں گئے
برباد روزگار ہمارا ہی نام ہےآئیں تماشا دیکھنے والے کہاں گئے
چھپتے گئے دلوں میں وہ بن کر غزل کے بولمیں ڈھونڈھتا رہا مرے نالے کہاں گئے
اٹھتے ہوؤں کو سب نے سہارا دیا کلیمؔگرتے ہوئے غریب سنبھالے کہاں گئے
— کلیم عاجز
Seene ke zakhm paon ke chhale kahan gaeAe husn tere chahne wale kahan gae
Shaano ko chheen chheen ke phenka gaya kahanAaine tod phoṛ ke dale kahan gae
Khalwat mein roshni hai na mahfil mein roshniAhl-e-wafa chirag-e-wafa le kahan gae
But-khane mein bhi ḍher hain ṭukṛe haram mein bhiJaam o saboo kahan the uchhale kahan gae
Aankhon se aansuon ko mili khak mein jagahPale kahan gae the nikale kahan gae
Barbad-e-rozgar hamara hi naam haiAayen tamasha dekhne wale kahan gae
Chhapte gae dilon mein woh ban kar ghazal ke bolMain ḍhoonḍhta raha mere nale kahan gae
Uṭhte huon ko sab ne sahara diya KaleemؔGirte hue gharib sambhale kahan gae
