8 اشعار

ایسا نہیں کہ ان سے محبت نہیں رہی

Aisa nahin ke un se mohabbat nahin rahi

خمار بارہ بنکوی
ایسا نہیں کہ ان سے محبت نہیں رہی

«ایسا نہیں کہ ان سے محبت نہیں رہی» خمار بارہ بنکوی کا کلام ہے، جسے نور مائیر نے سحرِ بیاں کی ایکس سپیس «قسطوں میں خود کشی کا مزہ ہم سے پوچھیے (خمار بارہ بنکوی)» میں 2 جنوری 2026 کو اپنی آواز میں پیش کیا۔ ریکارڈنگ کا دورانیہ 52 سیکنڈ ہے۔ یہ کلام سحرِ بیاں کی محفلوں میں 2 مرتبہ پیش کیا جا چکا ہے۔

ایسا نہیں کہ ان سے محبت نہیں رہیجذبات میں وہ پہلی سی شدت نہیں رہی

ضعف قویٰ نے آمد پیری کی دی نویدوہ دل نہیں رہا وہ طبیعت نہیں رہی

سر میں وہ انتظار کا سودا نہیں رہادل پر وہ دھڑکنوں کی حکومت نہیں رہی

کمزوریٔ نگاہ نے سنجیدہ کر دیاجلووں سے چھیڑ چھاڑ کی عادت نہیں رہی

ہاتھوں سے انتقام لیا ارتعاش نےدامان یار سے کوئی نسبت نہیں رہی

پیہم طواف کوچۂ جاناں کے دن گئےپیروں میں چلنے پھرنے کی طاقت نہیں رہی

چہرے کو جھریوں نے بھیانک بنا دیاآئینہ دیکھنے کی بھی ہمت نہیں رہی

اللہ جانے موت کہاں مر گئی خمارؔاب مجھ کو زندگی کی ضرورت نہیں رہی

— خمار بارہ بنکوی

کس نے پڑھا

یہ کلام محفلوں میں

نور مائیرقسطوں میں خود کشی کا مزہ ہم سے پوچھیے (خمار بارہ بنکوی) ملک افراسیابضمیروقت میں پیوست ہوں میں پھانس کی صورت (ظفر گورکھپوری)