سحر جیتے گی یا شام غریباں دیکھتے رہنایہ سر جھکتے ہیں یا دیوار زنداں دیکھتے رہنا
ہر اک اہل لہو نے بازیٔ ایماں لگا دی ہےجو اب کی بار ہوگا وہ چراغاں دیکھتے رہنا
ادھر سے مدعی گزریں گے ایقان شریعت کےنظر آ جائے شاید کوئی انساں دیکھتے رہنا
اسے تم لوگ کیا سمجھو گے جیسا ہم سمجھتے ہیںمگر پھر بھی کریں گے اس سے پیماں دیکھتے رہنا
سمجھ میں آ گیا تیری نگاہوں کے الجھنے پربھری محفل میں سب کا ہم کو حیراں دیکھتے رہنا
ہزاروں مہرباں اس راستے پر ساتھ آئیں گےمیاں یہ دل ہے یہ جیب و گریباں دیکھتے رہنا
دبا رکھو یہ لہریں ایک دن آہستہ آہستہیہی بن جائیں گی تمہید طوفاں دیکھتے رہنا
— مصطفی زیدی
Sahar jeete gi ya shaam-e-ghariban dekhte rehnaYe sar jhukte hain ya deewar-e-zindaan dekhte rehna
Har ek ahl-e-lahu ne baazi-e-imaan laga di haiJo ab ki baar hoga wo chiraghan dekhte rehna
Idhar se mudda'i guzrenge eeiman-e-shariyat keNazar aa jaaye shayad koi insaan dekhte rehna
Ise tum log kya samjhoge jaisa hum samajhte hainMagar phir bhi karenge us se paimaan dekhte rehna
Samajh mein aa gaya teri nigahon ke ulajhne parBhari mehfil mein sab ka hum ko hairan dekhte rehna
Hazaron mehrban is raaste par saath aayengeMiyan ye dil hai ye jaib-o-garebaan dekhte rehna
Daba rakho ye lahren ek din ahista ahistaYehi ban jaayengi tamheed-e-toofan dekhte rehna
