سینے میں خزاں آنکھوں میں برسات رہی ہےاس عشق میں ہر فصل کی سوغات رہی ہے
کس طرح خود اپنے کو یقیں آئے کہ اس سےہم خاک نشینوں کی ملاقات رہی ہے
صوفی کا خدا اور تھا شاعر کا خدا اورتم ساتھ رہے ہو تو کرامات رہی ہے
اتنا تو سمجھ روز کے بڑھتے ہوئے فتنےہم کچھ نہیں بولے تو تری بات رہی ہے
ہم میں تو یہ حیرانی و شوریدگئ عشقبچپن ہی سے منجملۂ عادات رہی ہے
اس سے بھی تو کچھ ربط جھلکتا ہے کہ وہ آنکھبس ہم پہ عنایات میں محتاط رہی ہے
الزام کسے دیں کہ ترے پیار میں ہم پرجو کچھ بھی رہی حسب روایات رہی ہے
کچھ میرؔ کے حالات سے حاصل کرو عبرتلے دے کے اب اک عزت سادات رہی ہے
— مصطفی زیدی
Seene mein khizaan aankhon mein barsaat rahi haiIs ishq mein har fasl ki saughaath rahi hai
Kis tarah khud apne ko yaqeen aaye ke is seHum khaak nasheenon ki mulaqat rahi hai
Sufi ka khuda aur tha shayar ka khuda aurTum saath rahe ho to karamaat rahi hai
Itna to samajh roz ke badhte hue fitneHum kuch nahin bole to teri baat rahi hai
Hum mein to yeh hairani o shoridagi-e-ishqBachpan hi se munjamila-e-aadath rahi hai
Is se bhi to kuch rabt jhalakta hai ke woh aankhBas hum pe inaayat mein muhtaat rahi hai
Ilzam kise dein ke tere pyar mein hum parJo kuch bhi rahi hasb-e-rawaayat rahi hai
Kuch Meer ke halaat se hasil karo ibratLe de ke ab ek izzat-e-sadat rahi hai
