میری جدائیوں سے وہ مل کر نہیں گیااس کے بغیر میں بھی کوئی مر نہیں گیا
دنیا میں گھوم پھر کے بھی ایسے لگا مجھےجیسے میں اپنی ذات سے باہر نہیں گیا
کیا خوب ہیں ہماری ترقی پسندیاںزینے بنا لیے کوئی اوپر نہیں گیا
جغرافیے نے کاٹ دیے راستے مرےتاریخ کو گلہ ہے کہ میں گھر نہیں گیا
ایسی کوئی عجیب عمارت تھی زندگیباہر سے جھانکتا رہا اندر نہیں گیا
ڈالا نہ دوستوں کو کبھی امتحان میںصحرا میں میرے ساتھ سمندر نہیں گیا
اس وقت تک سلگتی رہی اس کی آرزوجب تک دھوئیں سے سارا بدن بھر نہیں گیا
ذلت کے بھاؤ بک گئیں عزت مآبیاںدستار اس کی جاتی رہی سر نہیں گیا
خواہش ہوس کے روپ میں اچھی نہیں لگیدنیا کو فتح کر کے سکندر نہیں گیا
کاندھوں پہ اپنے لوگ اسے لے گئے کہاںپیروں سے اپنے چل کے مظفرؔ نہیں گیا
— مظفر وارثی
Meri judaiyon se woh mil kar nahin gayaUs ke baghair main bhi koi mar nahin gaya
Duniya mein ghoom phir ke bhi aise laga mujheJaise main apni zaat se bahar nahin gaya
Kya khoob hain hamari taraqqi pasandiyanZeene bana liye koi oopar nahin gaya
Jughrafiye ne kaat diye raaste mereTareekh ko gila hai ke main ghar nahin gaya
Aisi koi ajeeb imarat thi zindagiBahar se jhaankta raha andar nahin gaya
Daala na doston ko kabhi imtihan meinSehra mein mere saath samundar nahin gaya
Us waqt tak sulagti rahi us ki aarzooJab tak dhuyen se saara badan bhar nahin gaya
Zillat ke bhao bik gayin izzat maabiyanDastar us ki jaati rahi sar nahin gaya
Khwahish hawas ke roop mein acchi nahin lagiDuniya ko fatah kar ke sikandar nahin gaya
Kaandhon pe apne log use le gaye kahanPairon se apne chal ke Muzaffar nahin gaya
