دیدۂ سنگ میں بینائی کہاں سے آئےظرف مردہ ہو تو سچائی کہاں سے آئے
پیار تعمیر ہو جب بغض کی بنیادوں پرملتی نظروں میں شناسائی کہاں سے آئے
گم ہیں رنگوں میں خد و خال بھی تصویروں کےپس پردہ کا تماشائی کہاں سے آئے
میری ہر سوچ کے رستے میں کھڑا ہے کوئیآئینہ خانے میں تنہائی کہاں سے آئے
میری آواز خموشی نے مجھے لوٹا دیمجھ میں اب جرأت گویائی کہاں سے آئے
کوئی بھی دیکھنا چاہے نہ کسی کو زندہخوں کے پیاسوں میں مسیحائی کہاں سے آئے
اس قدر شوق در آمد ہے مظفرؔ ہم کوسوچتے رہتے ہیں رسوائی کہاں سے آئے
— مظفر وارثی
Deeda-e-sang mein binayi kahan se aayeZarf murda ho to sacchai kahan se aaye
Pyaar taameer ho jab bughz ki buniyadon parMilti nazron mein shanasai kahan se aaye
Gum hain rangon mein khadd-o-khaal bhi tasveeron kePas-e-parda ka tamashayi kahan se aaye
Meri har soch ke raste mein khada hai koiAaina-khane mein tanhai kahan se aaye
Meri awaaz khamoshi ne mujhe luta diMujh mein ab jurrat-e-goyayi kahan se aaye
Koi bhi dekhna chahe na kisi ko zindaKhoon ke pyason mein masihayi kahan se aaye
Is qadar shauq-e-dar-amad hai Muzaffar ham koSochte rehte hain ruswayi kahan se aaye
