کیا بھلا مجھ کو پرکھنے کا نتیجہ نکلازخم دل آپ کی نظروں سے بھی گہرا نکلا
تشنگی جم گئی پتھر کی طرح ہونٹوں پرڈوب کر بھی ترے دریا سے میں پیاسا نکلا
جب کبھی تجھ کو پکارا مری تنہائی نےبو اڑی پھول سے تصویر سے سایا نکلا
کوئی ملتا ہے تو اب اپنا پتہ پوچھتا ہوںمیں تری کھوج میں تجھ سے بھی پرے جا نکلا
مجھ سے چھپتا ہی رہا تو مجھے آنکھیں دے کرمیں ہی پردہ تھا اٹھا میں تو تماشا نکلا
توڑ کر دیکھ لیا آئینۂ دل تو نےتیری صورت کے سوا اور بتا کیا نکلا
نظر آیا تھا سر بام مظفرؔ کوئیپہنچا دیوار کے نزدیک تو سایا نکلا
— مظفر وارثی
Kya bhala mujh ko parakhne ka natija niklaZakhm-e-dil aap ki nazron se bhi gehra nikla
Tishnagi jam gayi patthar ki tarah honton parDoob kar bhi tere darya se main pyasa nikla
Jab kabhi tujh ko pukara meri tanhai neBoo udi phool se tasveer se saya nikla
Koi milta hai to ab apna pata poochhta hoonMain teri khoj mein tujh se bhi pare ja nikla
Mujh se chhipta hi raha tu mujhe aankhen de karMain hi parda tha utha main to tamasha nikla
Tod kar dekh liya aaine-e-dil tu neTeri soorat ke siwa aur bata kya nikla
Nazar aaya tha sar-e-baam Muzaffar koiPohancha deewar ke nazdeek to saya nikla
