سایا کوئی میں اپنے ہی پیکر سے نکالوںتنہائی بتا کیسے تجھے گھر سے نکالوں
اک موج بھی مل جائے اگر مجھ کو صلے میںگرتے ہوئے دریا کو سمندر سے نکالوں
تیشے سے بجاتا پھروں میں بربط کہسارنغمے جو مرے دل میں ہیں پتھر سے نکالوں
لو تیز نہیں کچھ مری آنکھوں ہی کی شایدمطلب یہی بے نوریٔ منظر سے نکالوں
بدلے نہ کوئی رنگ ترا حسن خموشیمیں بات کے پہلو ترے تیور سے نکالوں
توبہ نے جگایا مرے اندر کا شرابیاب فال بھی ٹوٹے ہوئے ساغر سے نکالوں
سوچوں کے بیاباں میں لیے پھرتا ہے مجھ کوکیا ذہن بھی سودا ہے جسے سر سے نکالوں
اک نسل سخن مجھ میں ہے آباد مظفرؔصورت نئی ہر لفظ کے اندر سے نکالوں
— مظفر وارثی
Saya koi main apne hi paikar se nikaloonTanhai bata kaise tujhe ghar se nikaloon
Ek mauj bhi mil jaaye agar mujh ko sile meinGirate hue darya ko samundar se nikaloon
Taishe se bajata phiroon main barbat-e-kohsarNaghme jo mere dil mein hain patthar se nikaloon
Lau tez nahin kuch meri aankhon hi ki shayadMatlab yehi be-noori-e-manzar se nikaloon
Badle na koi rang tera husn-e-khamoshiMain baat ke pehlu tere tewar se nikaloon
Tauba ne jagaya mere andar ka sharabiAb faal bhi toote hue sagar se nikaloon
Sochon ke biyaban mein liye phirta hai mujh koKya zehn bhi sauda hai jise sar se nikaloon
Ek nasl-e-sukhan mujh mein hai abad MuzaffarSoorat nayi har lafz ke andar se nikaloon
