بہت پیاسا ہے پیڑ اور پابرہنہ چل رہا ہےسفر کیا ختم ہو، ہمراہ صحرا چل رہا ہے!
کوئی نادیدہ کشتی رینگتی رہتی ہے دل میںیہ مجھ سُوکھے کنویں میں کیسا دریا چل رہا ہے؟
اب اس انبوہ میں کیا راستہ دے پاؤں تجھ کونہ جانے اس گھڑی سینے میں کیا کیا چل رہا ہے!
مَیں اپنے آپ کا مقروض ہوتا جا رہا ہوںاگرچہ دیکھنے میں گھر تو اچھّا چل رہا ہے
اُداسی میرا بازو پکڑے بیٹھی ہے مرے ساتھبھرے میلے میں اک ویران جُھولا چل رہا ہے
عجب خواہش ہے پھر تعمیر ہو جانے کی خواہش!کہ اس کے پیچھے پیچھے میرا ملبہ چل رہا ہے
ذرا سا ہجر کا پتھر لگا تو آ گئے سب!ہٹو، جاؤ! یہاں کوئی تماشا چل رہا ہے؟
یہ کیسا موڑ آ پہنچا ہے تیری رہ گزر میں!مَیں تھک کے گر پڑا ہوں، میرا سایہ چل رہا ہے
— سعید شارق
Bahut pyasa hai ped aur pabrahna chal raha haiSafar kya khatm ho, hamrah sehra chal raha hai!
Koi nadeeda kashti reengti rahti hai dil meinYe mujh sookhe kunwen mein kaisa dariya chal raha hai?
Ab is anboh mein kya rasta de paaon tujh koNa jaane is ghadi seene mein kya kya chal raha hai!
Main apne aap ka maqrooz hota ja raha hoonAgarcha dekhne mein ghar to achha chal raha hai
Udasi mera baazu pakde baithi hai mere saathBhare mele mein ek veeran jhoola chal raha hai
Ajab khwahish hai phir tameer ho jaane ki khwahish!Ke uske peeche peeche mera malba chal raha hai
Zara sa hijr ka patthar laga to aa gaye sab!Hato, jaao! Yahan koi tamasha chal raha hai?
Ye kaisa mod aa pahuncha hai teri rahguzar mein!Main thak ke gir pada hoon, mera saya chal raha hai
