دفعتاً گال پہ اک بُوند گِری، ٹوٹ گئیکیسے خاموش چھناکے سے ہنسی ٹوٹ گئی!
کون سمجھاتا کہ یوں وقت کہاں لوٹتا ہےسوئیاں اتنی گھمائیں کہ گھڑی ٹوٹ گئی
چاپ لگتی رہی قدموں کی، ہتھوڑوں کی طرحتُو گیا اور مرے گھر کی گلی ٹوٹ گئی
گٹھڑیاں چپکی ہیں ایسی کہ اترتی ہی نہیںِلاکھ کہتا ہوں کمر ٹُوٹ گئی! ٹوٹ گئی!
قریہ جاں میں چلی تیز ہَوا پل بھر کویاد کی شاخ ہلی اور کلی ٹوٹ گئی
کھینچ پڑتی ہے تو آ جاتا ہوں واپس لیکنکیا کروں گا جو یہ زنجیر کبھی ٹوٹ گئی
جوڑ بیٹھا تھا میں اک روز کوئی آئینہپھر مرے ہاتھ کوئی شے بھی لگی، ٹوٹ گئی
بے خیالی میں اسے پھینک دیا تھا، شارقاور وہ کانچ کی گڑیا ہی تو تھی، ٹوٹ گئی
— سعید شارق
Dafatan gaal pe ek boond giri, toot gaiKaise khamosh chhanake se hansi toot gai!
Kaun samjhata ke yun waqt kahan laut-ta haiSuian itni ghumaain ke ghadi toot gai
Chaap lagti rahi qadmon ki, hathodon ki tarahTu gaya aur mere ghar ki gali toot gai
Gathdiyan chipki hain aisi ke utarti hi nahinLakh kahta hoon kamar toot gai! Toot gai!
Qarya-e-jaan mein chali tez hawa pal bhar koYaad ki shakh hili aur kali toot gai
Kheenchi padti hai to aa jata hoon wapas lekinKya karunga jo ye zanjeer kabhi toot gai
Jod baitha tha main ek roz koi aainaPhir mere haath koi shai bhi lagi, toot gai
Be-khayali mein use phenk diya tha, ShariqAur wo kaanch ki gudiya hi to thi, toot gai