جاڑے کی سرد سرد ہَوا میں ٹھٹھرتی شبہاتھوں میں تپتے ہاتھ، لبوں پر سُلگتے لَب
کیسا نشہ ہے چُھوٹ کے بھی چُھوٹتا نہیں!پھر مجھ کو ہو رہی ہے مئے خواب کی طلب
کُچھ تو بتا فسردگی! کیا ہو گیا تجھے؟آیا تھا آج دل میں کوئی!۔۔کون؟ کیسے؟ کب؟
ٹھٹّھا اُڑاتی موجِ ہَوا کو یہ کیا پتا!ملتا ہے کس دِیے سے مِری راکھ کا نسب!
کانوں پہ ہاتھ رکھّے لرزتا ہوں رات دِنغم قہقہے لگاتا ہے، وہ بھی بلا سبب!
پہنا تھا جانے کِس لیے چشمہ شعور کا!پہلے تو کُچھ نظر نہیں آتا تھا اور اب۔۔۔
پِھر دِل میں گِر کے جل گئیں کُچھ تازہ خواہشیںپِھر کھا گیا ہے روٹیاں، تندور، سب کی سب!
یہ کہہ کے دُھوپ ٹُوٹ پڑی نخلِ زرد پربارش کا نام لیتا ہے؟ گُستاخ! بے ادب!
— سعید شارق
Jade ki sard sard hawa mein thitharti shabHathon mein tapte haath, labon par sulagte lab
Kaisa nasha hai chhoot ke bhi chhoot-ta nahin!Phir mujh ko ho rahi hai mai-e-khwab ki talab
Kuchh to bata fasurdagi! Kya ho gaya tujhe?Aaya tha aaj dil mein koi!.. Kaun? Kaise? Kab?
Thithha udati mauj-e-hawa ko yeh kya pata!Milta hai kis diye se miri raakh ka nasab!
Kanon pe haath rakhe larazta hoon raat dinGham qahqahe lagata hai, woh bhi bila sabab!
Pehna tha jaane kis liye chashma shaoor ka!Pehle to kuchh nazar nahin aata tha aur ab...
Phir dil mein gir ke jal gain kuchh taza khwahishenPhir kha gaya hai rotiyan, tandur, sab ki sab!
Yeh keh ke dhoop toot padi nakhl-e-zard parBarish ka naam leta hai? Gustakh! Be-adab!