چپکے چپکے غم کا کھانا کوئی ہم سے سیکھ جائےجی ہی جی میں تلملانا کوئی ہم سے سیکھ جائے
ابر کیا آنسو بہانا کوئی ہم سے سیکھ جائےبرق کیا ہے تلملانا کوئی ہم سے سیکھ جائے
ذکر شمع حسن لانا کوئی ہم سے سیکھ جائےان کو درپردہ جلانا کوئی ہم سے سیکھ جائے
جھوٹ موٹ افیون کھانا کوئی ہم سے سیکھ جائےان کو کف لا کر ڈرانا کوئی ہم سے سیکھ جائے
سن کے آمد ان کی از خود رفتہ ہو جاتے ہیں ہمپیشوا لینے کو جانا کوئی ہم سے سیکھ جائے
ہم نے اول ہی کہا تھا تو کرے گا ہم کو قتلتیوروں کا تاڑ جانا کوئی ہم سے سیکھ جائے
لطف اٹھانا ہے اگر منظور اس کے ناز کاپہلے اس کا ناز اٹھانا کوئی ہم سے سیکھ جائے
جو سکھایا اپنی قسمت نے وگرنہ اس کو غیرکیا سکھائے گا سکھانا کوئی ہم سے سیکھ جائے
دیکھ کر قاتل کو بھر لائے خراش دل میں خوںسچ تو یہ ہے مسکرانا کوئی ہم سے سیکھ جائے
تیر و پیکاں دل میں جتنے تھے دیے ہم نے نکالاپنے ہاتھوں گھر لٹانا کوئی ہم سے سیکھ جائے
کہہ دو قاصد سے کہ جائے کچھ بہانے سے وہاںگر نہیں آتا بہانا کوئی ہم سے سیکھ جائے
خط میں لکھوا کر انہیں بھیجا تو مطلع درد کادرد دل اپنا جتانا کوئی ہم سے سیکھ جائے
جب کہا مرتا ہوں وہ بولے مرا سر کاٹ کرجھوٹ کو سچ کر دکھانا کوئی ہم سے سیکھ جائے
واں ہلے ابرو یہاں پھیری گلے پر ہم نے تیغبات کا ایما سے پانا کوئی ہم سے سیکھ جائے
تیغ تو اوچھی پڑی تھی گر پڑے ہم آپ سےدل کو قاتل کے بڑھانا کوئی ہم سے سیکھ جائے
زخم کو سیتے ہیں سب پر سوزن الماس سےچاک سینے کے سلانا کوئی ہم سے سیکھ جائے
پوچھے ملا سے جسے کرنا ہو سجدہ سہو کاسیکھے گر اپنا بھلانا کوئی ہم سے سیکھ جائے
کیا ہوا اے ذوقؔ ہیں جوں مردمک ہم رو سیاہلیکن آنکھوں میں سمانا کوئی ہم سے سیکھ جائے
— شیخ ابراہیم ذوق
Chupke chupke ġham kā khānā koī ham se sīkh jā.eJī hī jī meñ talmalānā koī ham se sīkh jā.e
Abr kyā āñsū bahānā koī ham se sīkh jā.eBarq kyā hai talmalānā koī ham se sīkh jā.e
Zikr-e-sham'-e-husn lānā koī ham se sīkh jā.eIn ko dar-parda jalānā koī ham se sīkh jā.e
Jhuuṭ mūṭ afyūn khānā koī ham se sīkh jā.eIn ko kaf lā kar ḍarānā koī ham se sīkh jā.e
Sun ke āmad un kī az-ḳhud-rafta ho jaate haiñ hamPeshvā lene ko jānā koī ham se sīkh jā.e
Ham ne avval hī kahā thā tū karegā ham ko qatlTevaroñ kā tāṛ jānā koī ham se sīkh jā.e
Lutf uThānā hai agar manzūr us ke nāz kāPahle us kā nāz uThānā koī ham se sīkh jā.e
Jo sikhāyā apnī qismat ne vagarna is ko ġhairKyā sikhā.egā sikhānā koī ham se sīkh jā.e
Dekh kar qātil ko bhar lā.e ḳharāsh-e-dil meñ ḳhūñSach to ye hai muskurānā koī ham se sīkh jā.e
Tīr o paikāñ dil meñ jitne थे diye ham ne nikālApne hāthoñ ghar luṭānā koī ham se sīkh jā.e
Kah do qāṣid se ki jā.e kuchh bahāne se vahāñGar nahīñ aatā bahānā koī ham se sīkh jā.e
Khat meñ likhvā kar unheñ bhejā to matla'-e-dard kāDard-e-dil apnā jatānā koī ham se sīkh jā.e
Jab kahā martā hūñ vo bole mirā sar kāṭ karJhuuṭ ko sach kar dikhānā koī ham se sīkh jā.e
Vāñ hile abrū yahāñ pherī gale par ham ne teġhBaat kā īmā se pānā koī ham se sīkh jā.e
Teġh to ūchhī paṛī thī gar paṛe ham aap seDil ko qātil ke baṛhānā koī ham se sīkh jā.e
Zaḳhm ko sīte haiñ sab par sozān-e-almās seChāk sīne ke sulānā koī ham se sīkh jā.e
Pūchhe mullā se jise karnā ho sajda-e-sahv kāSīkhe gar apnā bhulānā koī ham se sīkh jā.e
Kyā huā ai Zauqؔ haiñ jūñ mardumak ham rū siyāhLekin āñkhoñ meñ samānā koī ham se sīkh jā.e
