دل پر جو زخم ہیں وہ دکھائیں کسی کو کیا (حبیب جالب)

حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے ابتدائی تعلیم وہیں سے حاصل کی، مگر معاشی مسائل اور سیاسی انتشار نے رسمی تعلیم کا سلسلہ آگے بڑھنے نہ دیا۔ 1947ء میں ہجرت کے بعد وہ پاکستان آ گئے اور لاہور میں مستقل سکونت اختیار کی۔ کم عمری سے عوامی دکھ اور سیاسی بے حسی کے خلاف بغاوت ان کے لہو میں شامل تھی، جس نے آگے چل کر انہیں برصغیر کے سب سے توانا عوامی اور مزاحمتی شاعر کے طور پر متعارف کروایا۔جالب نے عملی زندگی کا آغاز فلم ڈسٹری بیوشن کمپنی سے کیا اور کچھ عرصہ تک کراچی اور لاہور کی فلمی دنیا سے وابستہ رہے، مگر جلد ہی وہ عوامی سیاست، مزدور تحریکوں اور سماجی حقوق کی جدوجہد کا حصہ بن گئے۔ انہوں نے ایوب خان کے دور سے کافی پہلے پہلی بار سیاسی گرفتاری برداشت کی، اور بعد کے تمام ادوار میں آمریت و جبر کے خلاف ان کی آواز سب سے نمایاں رہی۔ ان کی شاعری۔خواہ “دستور” ہو، “ظلمت کو ضیا” ہو یا “سرِ مقتل”۔...