دنیا میں کچھ اپنے ہیں کچھ بیگانے الفاظکس کو اتنی فرصت ہے جو پہچانے الفاظ
ریگ علامت میں بھی جل کر پا نہ سکے مفہومصحرائے معنی میں بھی بھٹکے انجانے الفاظ
دشت ازل سے دشت ابد تک چھان چکا میں خاکاور کہاں لے جائیں گے اب بھٹکانے الفاظ
بے معنی ماحول میں رہ کر ذہن ہوا ماؤفمجھ کو بھی پاگل کر دیں گے دیوانے الفاظ
اکثر آدھی رات میں لے کر کچھ پتھریلے خوابشیشۂ ذہن سے آ جاتے ہیں ٹکرانے الفاظ
شعر و سخن کے مے خانے کا میں ہوں اک مے خوارمیرے لئے بادہ ہے تخیل پیمانے الفاظ
کیفؔ کبھی اک شعر میں ڈھلنا ہوتا ہے دشواراور کبھی خود بن جاتے ہیں افسانے الفاظ
— کیف احمد صدیقی
Dunya mein kuchh apne hi hain kuchh begaane alfaazKis ko itni fursat hai jo pehchaane alfaaz
Reg-e-alamat mein bhi jal kar pa na sake mafhoomSahra-e-ma'ani mein bhi bhatke anjaane alfaaz
Dasht-e-azal se dasht-e-abad tak chhaan chuka main khaakAur kahan le jaayenge ab bhatkaane alfaaz
Be-ma'ani mahol mein reh kar zehn hua mau'oofMujh ko bhi paagal kar denge deewane alfaaz
Aksar aadhi raat mein le kar kuchh patthrile khwabSheesha-e-zehn se aa jaate hain takraane alfaaz
Sher-o-sukhan ke may-khaane ka main hoon ek may-khwaarMere liye baada hai takhayyul paimaane alfaaz
Kaif kabhi ek sher mein dhalna hota hai dushwaarAur kabhi khud ban jaate hain afsaane alfaaz
