سارے دن دشت تجسس میں بھٹک کر سو گیاشام کی آغوش میں سورج بھی تھک کر سو گیا
آخر شب میں بھی کھا کر خواب آور گولیاںچند لمحے نشۂ غم سے بہک کر سو گیا
یہ سکوت شام یہ ہنگامۂ ذہن بشرروح ہے بے دار لیکن جسم تھک کر سو گیا
آخر اس دور پر آشوب کا ہر آدمیخواب مستقبل کے جنگل میں بھٹک کر سو گیا
چند دن گلشن میں نغمات مسرت چھیڑ کرشاخ غم پر روح کا پنچھی چہک کر سو گیا
آخرش سارے چمن کو دے کے حسن زندگیموت کے بستر پہ ہر غنچہ مہک کر سو گیا
زندگی بھر اب اندھیری رات میں ہے جاگنااب تو قسمت کا ستارہ بھی چمک کر سو گیا
پیکر الفاظ میں اک آگ دہکاتا ہواکاغذی صحرا میں اک شعلہ بھڑک کر سو گیا
کیفؔ یوں آغوش فن میں ذہن کو نیند آ گئیجیسے ماں کی گود میں بچہ سسک کر سو گیا
— کیف احمد صدیقی
Saare din dasht-e-tajassus mein bhatak kar so gayaShaam ki aaghosh mein suraj bhi thak kar so gaya
Aakhir-e-shab mein bhi kha kar khwab aawar goliyanChand lamhe nasha-e-gham se behak kar so gaya
Yeh sukoot-e-shaam yeh hangaama-e-zehn-e-basharRooh hai bedaar lekin jism thak kar so gaya
Aakhir is daur-e-pur-ashob ka har aadmiKhwab-e-mustaqbil ke jungle mein bhatak kar so gaya
Chand din gulshan mein naghmaat-e-masarrat chhed karShaakh-e-gham par rooh ka panchhi chehak kar so gaya
Aakhirash saare chaman ko de ke husn-e-zindagiMaut ke bistar pe har ghuncha mehak kar so gaya
Zindagi bhar ab andheri raat mein hai jaagnaAb to qismat ka sitaara bhi chamak kar so gaya
Paikar-e-alfaaz mein ek aag dehkata huaKaaghazi sahra mein ek sho'la bhadak kar so gaya
Kaif yoon aaghosh-e-fan mein zehn ko neend aa gayiJaise maa ki god mein bachcha sisak kar so gaya
